2019 yilning 23 aprel kuni Buxoro davlat universiteti tashabbusi bilan Toshkent davlat iqtisodiyot universiteti Jahon iqtisodiyoti kafedrasi katta o`qituvchisi Aziz Zikriyoyev iqtidorli talabalar, doktorantlar va mustaqil izlanuvchilar bilan “Iqtidorli talabalarning ilmiy tadqiqotlar olib borish imkoniyatlari” mavzusida seminar o‘tkazildi. Seminarni ilmiy ishlar va innovatsiyalar bo`yicha prorektor O.S.Qahhorov ochib berdi.Mavzuning dolzarbligi shundan iboratki O‘zbekistonni jahon iqtisodiyotiga integratsiyalashuvida oliy ta`lim alohida ahamiyat kasb etadi, bunda OTMlarda ta`lim sifatini oshirish, mustaqil izlanuvchilar imkoniyatlarini kengaytirish hamda iqtidorli talabalarni ilmiy tadqiqotlar olib borishga yo`naltirishdan iborat. Shu o`rinda Buyuk Britaniyaning QS (Global university Ranking), AQShning THE (Times Higher Education) xalqaro universitetlar reytingini muntazam tuzib boradigan tashkilotlar bilan O`zbekiston Respublikasi Oliy ta`lim vazirligi o`rtasidagi memorandum imzolanishi bilan ahamiyatli. Tadqiqotchi o`z fikrlarni SCOPUS, Web of Sciences, Science Direct xalqaro ilmiy platformalardan ilmiy maqolalarni o`rganish imkoniyatlarini atroflicha yoritdi. Ilmiy tadqiqotlarni o`tkazishda yangi metodlar va natijalar hisobiga shakllantirish mumkin. Mahalliy tadqiqotchi olimlar bilan birgalikda hududiy hamda xalqaro olimlar fikrlari ham ahamiyat kasb etishi turli misollar yordamida ta`kidlandi. Talabalar tomonidan berilgan savollarga tadqiqotchi javob berdi. Ushbu seminar 3 til (o`zbek, rus, ingliz tilida) olib borildi.
