16 noyabr sanasida Buxoro davlat universiteti faollar zalida - “Xalqaro bag‘rikenglik kuni”ga bag‘ishlab “O‘zbekiston-bag‘rikeng diyor” (Uzbekistan - strana tolerantnosti) shiori ostida viloyat festivali o‘tkazildi.Festivalьda viloyatdagi 11 ta milliy madaniy markaz vakillari, viloyatdagi oliy va o‘rta maxsus kasb-hunar ta‘limi tizimida tahsil olayotgan turli millat vakillari, 10ga yaqin diniy konfessiya hamda tashkilotlar, mahalla faollari va keng jamoatchilik vakillaridan iborat 400 ga yaqin fuqarolar ishtirok etishdi.Tadbirni Mir Arab Oliy madrasasi rektori Yuldashxo‘jayev Haydarxon Ashimjanovich ochib berdi.Tadbir davomida so‘z olgan “Xram Svyatogo Arxangela Bojiya Mixaila” rus pravoslav cherkovi ruhoniysi Petrov Leonid Valьerevich bugungi bayram bilan barchani muborak etdi va mamlakatimizda yaratilgan diniy bag‘rikenglik o‘zaro hamdo‘stlik aloqalari uchun o‘z minnatdorchiligini bildirdi.Viloyatdagi milliy madaniy markazlar nomidan ko‘p ming sonli turkman milliy madaniy markazi rahbari Raxmatov Olim Bobomurodovich so‘zga chiqib, bugungi bayram bilan barchani muborakbod etdi.Tadbir o‘zbek, tojik, yahudiy, rus, turkman, ozarbayjon, tatar-boshqird, koreys va boshqa milliy madaniy markazlar tomonidan tayyorlangan kontsert dasturi bilan davom ettirildi.Manba:buxoro.uz
