O’zbekiston Respublikasi Prezidentining 2009 yil 7 apreldagi “Yagonasan, muqaddas Vatan!” ko’rik-tanlovini o’tkazish to’g’risida”gi PQ-1091-sonli qarorida belgilangan vazifalar ijrosini ta’minlash, universitetda ta’lim olayotgan talaba-yoshlarning Vatanga sadoqat, uning taqdiri uchun dahldorlik hissi bilan yo’g’rilgan, mazmunan teran, badiiy yetuk qo’shiqlar yaratishni rag’batlantirish hamda Vazirlikning 2017 yil 24 apreldagi 248-sonli buyrug’i ijrosini ta’minlash maqsadida rektoratning 2017 yil 2 maydagi 231-U sonli buyrug’i ishlab chiqildi. Mazkur buyruqqa asosan joriy yilning 23 may kuni universitet faollar zalida “Yagonasan, muqaddas Vatan!” Respublika ko’rik-tanlovining universitet bosqichi o’tkazildi. Tanlovda barcha fakultetlardan ishtirokchilar qatnashdilar. Hakamlar hay’atining baholash natijalariga ko’ra 1-o’rinni Pedagogika fakulteti musiqa ta’lim yo’nalishi 1-kurs talabasi Dilmurod Qodirovning “O’zbek bola” qo’shig’i, 2-o’rinni Tarix fakulteti Arxivshunoslik ta’lim yo’nalishi 1-kurs talabasi Oybek Qo’ldoshevning “Ko’zlarim yo’lda” qo’shig’i hamda Filologiya fakultetining Rus tili va adabiyoti ta’lim yo’nalishi 1-kurs talabasi Abbos Qodirovning “Vatanim bu” qo’shiqlari, 3-o’rinni Tabiiy fanlar fakulteti Kimyo ta’lim yo’nalishi 3-kurs talabasi Nigora Hakimovaning “Ulug’imsan vatanim” qo’shig’i hamda Jismoniy madaniyat fakultetining 2-kurs talabasi Foziljon Choriyev “O’zbekiston” qo’shig’i bilan g’oliblikni qo’lga kiritdilar.Tanlovning o`tkazilganligi to`g`risida Fikr.uz (http://fikr.uz/blog/buxdu/yagonasan-muqaddas-vatan-ko_rik-tanlovi-o_tkazildi.html) saytida ham ma`lumotlarni ko`rishingiz mumkin.
