"Oq armonlar", "Qismat surati", "Shodlik sohili", "Bu shunday dunyoki...", "Onamga tortiq", "Onam o‘zing..." singari she‘riy to‘plamlarini nashr ettirgan Laylo Sharipova O‘zbekiston Yozuvchilar uyushmasi a‘zosi ijodidan lavha. Sen jonimsan...Suvlaringda kamalak ko‘rdim,Baliqlaring zikrida oyat.Quyosh bilan yonma-yon yurdim,Tog‘laringday ko‘taroldim qad.Tuprog‘ingga bosdim yuzimni,Qulog‘imda nozbo‘y qiqiri.Bug‘doyzorga berdim so‘zimni,Sirdosh bo‘ldi lolali qiring.Dil dardiga tilasam malham,Sharbat tutar darddoshim — o‘rik.Zilol suvga tushimni aytsam,Otquloqning qulog‘i tim-tik.Daraxtlarni quchsam beozor,Yashnab ketar, yasharar jonim.Bunday Vatan yana qayda bor,Sen jonimsan, O‘zbekistonim.Vatan madhiBu shunday Vatanki, hatto cho‘lidaShifobaxsh giyohlar o‘sadi faqat.Ulug‘i behisob, yurtni tanitgan,Bir qarich yerida yotmoq saodat.To‘rt fasl quyoshning ishqiga loyiq,Eng oddiy kunlari tarixga bezak.Boshing tuprog‘iga tekkanzahotiOsoyish topadi bezovta yurak.Ko‘kka nur o‘rlagan qaysi Vatandan,Hatto tikonining gullari suluv.Kulchani oqizoq qilgan bolaningAlpomish bo‘lishin ta‘bir aylar suv.Ko‘karsa jonlarga bo‘lar deb madad,Shodligi bug‘doyday yerga ko‘milar.G‘amlari minorday ko‘rsatadi bo‘y,Shu g‘amdan ko‘nglining ko‘zi munavvar.Bu shunday Vatanki, ayoli ulug‘,Shu yurt deb tikilgan qirqta joni ham.Erkagi — avliyo, qadami qutlug‘,Bu zamin muqaddas, bu yurt mukarram.O‘zbekistonim...Qudratingga tog‘laring misol,Hikmatingga bog‘laring misol,Faqat senga qildim dardiholOtam o‘zing, O‘zbekistonim.Shirmoy nonlar yuzida Vatan,Shirin jonlar o‘zida Vatan,Baytlarimning so‘zida Vatan,Onam o‘zing, O‘zbekistonim.Men onaman — qalbi to‘liqqan,Yurtga posbon, mehribon tuqqan,Vatan qadrin dil-dildan uqqanBolam o‘zing, O‘zbekistonim.Dil yayratar jamshidi jomsan,Biz o‘tkinchi, sen bardavomsan,Buzrukdirsan, Rost — Shashmaqomsan,Nolam o‘zing, O‘zbekistonim.Boqiylik...Kimning ko‘nglin kam qilgay dunyo,Kimning ko‘zin nam qilgay dunyo.Hammamizni yerning ostigaBir kun, albat, jam qilgay dunyo.Manman degan ne-ne zotlarningBoshlarini xam qilgay dunyo.Ustozlarni quyosh deb bilsak,O‘chirgayu, sham bilgay dunyo.Dunyo, bilsang, bitta qudrat bor,Bir hikmatga hukming o‘tmaydi.El ko‘nglini kitob etganlarBu dunyodan aslo ketmaydi.Chin shoirgaVatan bir bog‘, qo‘riqlash uchunShoir asli yashab o‘tar tik.Hatto mudrab bo‘lmas biror tun,Shoir yashar Kenja botirdek.Dilin tilib tuz sepsa shoir,Shu Vatan deb gar bo‘lsa bedor,Sharif shahar duosin bir-birShoir uchun eturman tumor.Axir bog‘ning har bargi tillo,Har mevasi javohir misol.Qo‘riqlaylik, shoirim, illo,Vatan borki, bor bizda Iqbol!OdamlarTushimda ham she‘rlar aytaman,Anglamayman goho qaydaman?U dunyoga borib qaytaman,Bu dunyodan bezor odamlar.Kimdir tepsa, boshlarin egib,So‘zlaridan chechaklar to‘kib,Poyimga gul ketarlar ekib,Yuraklari gulzor odamlar.Shodligimga qayg‘u qo‘sharlar,Kulolmasam, kulib jo‘sharlar,Omadimni oshday osharlar,Ekkanlari ozor odamlar.Dunyo bilan ishi yo‘q — g‘arib,Ikki dunyo ularsiz g‘arib,Dunyolarni yurar qutqarib,Umrlari asror odamlar.So‘z sotarlar, gaplar otarlar,Do‘st qalbini pullab yotarlar,Dard daryosi ichra botarlar,Umrlari bozor odamlar.Vatan desa to‘shar jonini,Elga berar bor imkonini,Bermas lekin hech iymonini,Topganlari ash‘or odamlar. Laylo Sharipova BuxDU "Boshlang`ich va maktabgacha ta`lim uslubiyoti" kafedrasi dotsenti(Mazkur she`r Buxoronoma gazatasida chop etilgan - № 82 дан: 11.10.2017 )
