2018 yil 30 yanvarь kuni Filologiya fakulьteti 2-bosqich 6-5chi-16, 6-6chi-16, 6-5ing-16 guruhlar talabalari ishtirokida O‘zbekiston Respublikasi Prezidenti Shavkat Mirziyoyevning 2017 yil 27 noyabrdagi “O‘zbekiston Respublikasinig Birinchi Prezidenti, Buyuk davlat va siyosat arbobi Islom Abdug‘aniyevich Karimov tavalludining 80 yilligini keng nishonlash to‘g‘risida”gi qarori ijrosi bo‘yicha “Ozod va Obod Vatanga baxshida umr” mavzusida tadbir bo‘lib o‘tdi. Tadbirni tashkillashtirishda ingliz tili va adabiyoti kafedrasi o‘qituvchisi L.J.Jalilova va Maxmudovalar faollik ko‘rsatishdi. Tadbirda O‘zbekiston Respublikasi Birinchi Prezidenti Buyuk davlat va siyosat arbobi Islom Abdug‘aniyevich Karimov hayotiga bag‘ishlangan video-rolik namoyish etildi, u kishining ibratli fikrlari va yosh avlodga atalgan nutqlari eshittirildi. Sport va musiqa bilan shug‘ullanuvchi yosh iqtidor egalari o‘z chiqishlari bilan ishtirok etishdi. Tadbir tarbiyaviy ahamiyatga boy bo‘lib, talabalar qalbida vatanparvarlik va g‘urur tuyg‘usini uyg‘otdi.
