HUQUQIY ONG - bu ijtimoiy ongning shakllaridan biri bo‘lib, kishilarda huquqqa, qonunchilikka, huquq-tartibotga va boshqa huquqiy hodisalarga nisbatan bo‘lgan g‘oyalar, his tuyg‘ular, tasavvurlar yig‘indisidir. HUQUQIY RUXIYAT - alohida ijtimoiy guruh, shaxs yoki butun jamiyatda stixiyali ravishda vujudga keladigan huquqiy tuyg‘ular, hissiyotlar, kayfiyatlar, fikrlar yig‘indisidan iborat. HUQUQIY MAFKURA - bu sinfning, jamiyatning huquqiy qarashlari, g‘oyalari, tasavvurlari va talablarining ilmiy tizimlashtirilgan ifodasidir. HUQUQIY MADANIYAT - bu kishilarning huquqiy bilim darajasi, huquqqa nisbatan ongli munosabati, huquqni hurmat qilish va unga rioya qilishi. HUQUQIY TARBIYA - bu jamiyat a‘zolarining yurish-turish madaniyatiga va ongiga huquq haqidagi bilimlarni doimiy ravishda maqsadga muvofiq ta‘sir etish orqali singdirib borish jarayoni. HUQUQIY NIGILIZM – bunda (lot. “nihil”-“hech narsa”) huquq sub‘ekt(lar)ining amaldagi huquq normalarini mensimasligi, ularga hurmatsizlik munosabatida bo‘lishi yoki inkor qilishi tushuniladi.Batafsil ma`lumot ilova qilinadi.
