2017 yil 31 may kuni Buxoro viloyatidagi oliy ta’lim muassasalari talabalari o’rtasida “Yosh kitobxonlar” respublika ko’rik-tanlovining saralash bosqichi yakunlandi.O’zbekiston Respublikasi Oliy va o’rta maxsus ta’lim Vazirining 2017 yil 16 maydagi 310-sonli buyrug’iga ko’ratalaba yoshlar o’rtasida badiiy asarlarning hayotimizdagi o’rni va ahamiyatini targ’ib qilish orqali yoshlarimizni har tomonlama sog’lom va barkamol etib tarbiyalash, ularning kitobdan foydalanishlari uchun shart-sharoitlar yaratish, mustaqil va erkin fikrga ega iste’dodli yoshlarni har tomonlama qo’llab-quvvatlash maqsadida tashkil etilgan bu ko’rik-tanlovda BuxDU, BuxDTI, BuxMTI, TIMI Buxoro filiali talabalari ishtirok etdi. Ko’rik-tanlov “Kitob tafakkur xazinasi”maqolalar yo’nalishi, “Eng faol badiiy asarlar targ’ibotchisi”, “Yosh ijodkor talaba”, “Asarlardan yaralgan sahna asarlari”, “Asarlardan yaralgan navolar” yo’nalishlari bo’yicha oliy ta’lim muassasalarining jamoalari va ishtirokchilarning chiqishlari Hakamlar hay’ati tomonidan baholab borildi. B.T.Asadov (Buxoro viloyati jurnalistlar uyushmasi raisi), Ra’no Hoshimova (O’zbeksitonda xizmat ko’satgan artist, Buxoro viloyati musiqali drama teatrining aktrisasi, rais), Siroj Vafoev (Buxoro viloyati musiqali drama teatrining aktyori), Shuhrat Karimov – (Respublika Ma’naviyat targ’ibot markazi viloyat bo’limi rahbari o’rinbosari), Ro’zieva Muxlisa Usmonovna (O’zMTDP matbuot kotibi), Nazarov Salim Hamroqulovich (Buxoro viloyati teleradikompaniyasi bosh rejisyori)b Azamat Rajabov(Madaniyat kolleji katta o’qituvchisi,) Farux Nurullaev(Madaniyat kolleji katta o’qituvchisi), To’xtasin Rajabov (SamDU Musiqa kafedrasi magistranti)dan iborat Hakamlar hay’atining baholash natijalariga ko’ra jamoalar har bir yo’nalish bo’yicha sovrindor bo’ldi.
