Bugungi kunda mamlakatdagi ko‘plab yoshlar qatori buxorolik yoshlar ham Milliy armiyamiz saflarida muddatli harbiy xizmatni o‘tab qaytmoqda. Ular uchun Ona timsoliga aylangan Vatanning himoyachisi bo‘lish sharafdir.Joriy yilning 11 yanvar kuni BuxDU faollar zalida Qurolli kuchlarning 26 yilligi va Vatan himoyachilari kuni munosabati bilan Respublika ma‘naviyat va ma‘rifat markazi mas‘ul xodimi A.Mamajonov, Respublika oliy sport mahorati maktabi direktori G.Ibragimov, O‘zbek milliy akademik dramma teatri aktyori T.Mo‘minov, O‘zbekistonda xizmat ko‘rsatgan artist A.Abdullayevalar universitet talabalari bilan uchrashib xalqimiz tinch va osoyishtaligi hamda chegaralarimiz daxlsizligini ta‘minlashga qodir Milliy armiyamiz salohiyati haqida dildan suhbat o‘tkazishdi. Vatanparvarlik, yoshlik, ezgulikni tarannum etuvchi kuy-qo‘shiqlar bayram davrasiga o‘zgacha shukuh bag‘ishladi.
