2017 yil 24 may kuni talaba-yoshlar iqtidorini ro'yobga chiqarish, talabalarning bo'sh vaqtlarini unumli o'tkazish va “Xalq bilan muloqot va inson manfaatlari yili” davlat dasturida ko'rsatilgan vazifalar ijrosini ta'minlash maqsadida Buxoro davlat universiteti Fizika-matematika fakultetida an'anaviy “Xalq bilan muloqot - qalb bilan muloqot” nomli quvnoqlar va zukkolar ko'rik tanlovi o'tkazildi.Tadbirda fizika - matematika fakulteti 3-kurs talabalari “Matematika” ta'lim yo'nalishining “5+5=55”, Fizika ta'lim yo'nalishining “Quvnoqlar” va Kasb ta'limi: Informatika va axborot texnologiyalari ta'lim yo'nalishining “IBM” jamoalari ishtirok etdi. Ko'rik tanlov uch shartda bo'lib o'tdi. Tadbirni universitet rektori A.A.To'laganov ochib berdi va ishtirokchilarga omad tiladi.
