Viloyat hokimligining 2015 yil 2 apreldagi 1q1387-51-sonli “Viloyatdagi mahalliy hokimliklar va boshqaruv organlari hamda jamoat tashkilotlari tomonidan huqu-tartibot idoralari bilan hamkorlikda 2015 yil aprel oyi davomida amalga oshiriladigan ma’naviy-ma’rifiy va umumprofilaktik tadbirlar rejasi” asosida joriy yilning 3 aprel kuni Harbiy fakultet 3 kurs talabalari bilan «Bizning mentalitetimizga yot bo`lgan ta’sirlarga qarshi turishda mahalla va oilaning ahamiyatini oshirish» mavzuida davra suhbati o`tkazildi. Davra suhbatida harbiy vatanparvarlik tarbiyasida oilaning o`rni kattaligiga alohida e’tibor qaratildi. Oilaviy tarbiya o`sib kelayotgan avlodda Vatanga muhabbat hissini rivojlantirish, uning himoya, harbiy jasorat, harbiy kasbga muhabbat ahamiyati haqida to`g`ri tushuncha shakllanishiga katta ta’sir ko`rsatishi to`g`risida fikr mulohazalar bildirildi.
