2017 yil 13-fevral kuni Buxoro davlat universitetida Pedagogika fakulteti 1-4-kurs talabalarining ota-onalari bilan uchrashuv bo‘lib o‘tdi. Unda universitet rektori A.A.Tulaganov, o‘quv ishlari bo‘yicha prorektor D.Q. Durdiev qatnashib, oliygohning bakalavr va magistrlik yo‘nalishlari, reyting nazoratlari tartibi, professor-o‘qituvchilar to‘g‘risida atroflicha ma’lumot berdilar.Shuningdek, ota-onalarga TTJ va ijara uylarida istiqomat qiluvchi talabalarni birgalikda nazorat qilish, ularni yot oqimlarga qo‘shilib qolmasligi uchun hamisha ogoh bo‘lish lozimligi haqida to‘xtalib o‘tdilar. O‘z navbatida ota-onalar ham farzandlarining shartnoma to‘lov asosidagi o‘qishlari borasida, stipendiya shakllari, ish bilan bandlik, yoxud qo‘shimcha imtiyoz bor-yo‘qligi, turdosh oliygoh yoxud fakultetlarga ko‘chirish tartibi haqidagi savollariga javob oldilar. Universitet rahbariyati ota-onalarning TTJda til o‘rganish markazlarini tashkil etish, nogiron va kam ta’minlangan oila farzandlariga shartnoma to‘lovida yordam berish, sirtqi ta’lim ochish, oliygohni tugatgan yoshlarni ish bilan ta’minlash kafolati, oilali, yosh bolalali bitiruvchi talabalarning pedagogik amaliyotni o‘z tumanlarida o‘tkazishga ruxsat berish haqidagi takliflarini o‘rganib chiqish hamda Oliy Ta’lim Vazirligiga takliflarni etkazishni bildirdi. Xalq bilan muloqot va inson manfaatlari yili munosabati bilan o‘tkazilgan bu uchrashuv talabalarning ota-onalariga o‘z farzandlari haqida befarq bo‘lmaslik, har daqiqa ogoh bo‘lish mas’uliyatini yuklash bilan birga, oliygoh ta’lim tizimi, professor-o‘qituvchilar haqidagi fikrlarni bilishga yordam beradi.
