Jismonan sog’lom, ma’naviy etuk va har tomonlama rivojlangan barkamol avlodni tarbiyalashda oila instituti, ota-onalar va fuqarolarning o’zini o’zi boshqarish organlarining ta’lim muassasalari bilan o’zaro hamkorligini mustahkamlash maqsadida 2016 yil 19-aprel kuni Buxoro davlat universiteti Ijtimoiy-iqtisodiy fakulteti Milliy g’oya, ma’naviyat asoslari va huquq ta’lim yo’nalishi 3-3-MG’-H-15 guruhida davra suhbati va ota-onalar yig’ilishi o’tkazildi.Yig’ilishda ota-onalarga BDU ma’muriy tarkibi va Milliy g’oya, ma’naviyat asoslari va huquq ta’limi yo’nalishi haqida ma’lumot berildi. Buxoro davlat universiteti “ichki-tartib va odob-axloq qoidalari” va uning bajarilishi haqida suhbat o’tkazildi. Ota-onalarning talabalar hayotidagi o’rniga alohida to’xtalib o’tildi. Shu bilan birga 2015-2016 o’quv yilining birinchi yarmi yakunlari to’g’risida ota-onalarga ma’lumot berildi.Shundan so’ng ota-onalarga fakultetdagi o’quv xonalari, dars jarayoni va universitet hududi bo’ylab tanishtiruv ekskursiyasi tashkil etilib, esdalik kitobida o’z fikrlarni yozib qoldirdilar.
