Xotira va qadrlash kuni umumxalq bayrami hamda 1941-1945 yillardagi urushda fashizm ustidan qozonilgan G`alabaning 70 yilligiga bag`ishlangan tadbirlarni universitetda yuqori tashkiliy darajada o`tkazish, shuningdek, O`zbekiston Respublikasi Prezidentining 2015 yil 26 martdagi F-4437-sonli “Xotira va qadrlash kuni umumxalq bayramini tayyorlashva o`tkazish to`g`risida”gi Farmoyishi hamda Viloyat hokimligining 2015 yil 30 martdagi 132-sonli Qarori ijrosini ta’minlash maqsadida rektoratning 2015 yil 2 apreldagi 137-U sonli buyrug`i va chora-tadbirlar rejasi ishlab chiqildi. Mazkur chora-tadbirlar rejasi asosida universitetda qator tadbirlar amalga oshirib kelinmoqda. Jumladan, 2015 yil 10 aprel kuni Harbiy fakultet 3 kurs talabalari bilan “Avlodlar uchrashuvi” mavzuida davra suhbati vauchrashuv o`tkazildi. Davra suhbatida 9 may - Xotira va qadrlash kuni yaqinlashib kelayotganligi munosabati bilan har bir inson avvalambor o`tgan avlodlarni ko`ngildan o`tkazishi, 1941-1945 yillarda jang qilgan ota-bobolarimiz mehnatlari, ularni yurtimiz ravnaqi yo`lida qo`shgan hisalari to`g`risida gapirib o`tildi. Ma’naviyat va ma’rifat bo`limi boshlig`i A.Jumaev
