13-fevral kuni Buxoro davlat universiteti talabalar turar joyi 1-binosida Fizika-matematika fakulteti jamoasi tomonidan 14 fevral “Zahriddin Muhammad Bobur tavalludining 532 yilligi”ga bag’ishlangan badiiy kecha o’tkazildi. Tadbirni kirish so’zi bilan Fizika-matematika fakulteti dekani prof. Sh.M.Mirzayev ochib berdi. Sh.M.Mirzayev so’zga chiqib, Zahiriddin Muhammad Bobur tariximizda o’zining o’rniga ega bo’lgan buyuk siymolardan biri ekanligini ta’kidladi.14-fevral “Zahriddin Muhammad Bobur tavalludining 532 yilligi”ni yuksak saviyada nishonlash maqsadida fakultet jamoasi tomonidan tashkil etilgan tadbirni ochiq deb e’lon qildi.Shundan so’ng filalogiya fanlar nomzodi dotsent D.Rajabov so’zga chiqib, Zahiriddin Muhammad Boburning hayot yo’li va uning adabiyotimizga qo’shgan olamshumul hissasi yurtimiz tarixida egallagan o’rni xususida so’zladi. Zahiriddin Muhammad Boburning ijodiy hayoti haqida gapirib, adabiyotimizga qo’shgan hissasini alohida ta’kidlab o’tdi. Zahiriddin Muhammad Bobur hech shubhasiz temuriylar sulolasining munosib davomchilari safiga qo’sha olamiz, - deydi filalogiya fanlar nomzodi dotsent D.Rajabov – Bobur ijodiy merosining asosiy qismi bizgacha yetib kelgan. O’sha davr ijtimoiy-siyosiy, madaniy-ma’rifiy hayotidan so’zlovchi “Boburnomadek” dek muhtasham tarixiy asar, ayniqsa, yoshlarimizga muayyan ma’naviy ozuqa berib, ularning tarixiy-geografik bilimlarini oshirishga xizmat qilishi shubhasiz. Bobur ijodiyotining bosh mavzusi – Vatan ishqidir. Adabiyotshunos olimlar “Vatanni sevishni Mirzo Boburdan o’rganmoq kerak” deb bejiz aytmaydi. U bir umr ona yurtini qo’msab yashadi. Shoirning g’azal va ruboiylariga jo bo’lgan Vatan sog’inchi, qalb tug’yonlari har vir kitobxonni mutaassir etishi tabiiy. Bobur nomidagi xalqaro jamoat fondi tashabbusi bilan nashr etilgan “Zahiriddin Muhammad Bobur engsiklopediyasi” mazmunini talabalarga tanishtirildi. Shundan so’ng “Matematika” yo’nalishi 1-kurs talabalari o’zlari tayyorlagan chiqishlarini taqdim etishdi.1. B.Mamatov va M.Adizovalar Zahriddin Muhammad Boburning hayot va ijod yo’lini bayon qilishdi. Tariximizni ulug’lashga Vatanni sevishga, kelajakka buyuk ishonch bilan qarashga chorlovchi go’zal, sermazmun va sirli satrlar ila yurak qo’rimizdan chuqur joy egallagan yurtdoshimiz, vatanparvar shoh va shoir Bobur Mirzo xotirasiga bag’ishlangan adabiy kechamizni boshlaymiz. Kechamizga xush kelibsiz.Zahiriddin Muhammad Bobur 1483-yil 14-fevralda Andijonda Umarshayx Mirzo xonadonida tavallud topdi. Saroyda shaxzodalarga xos talim-tarbiya olgan Bobur otasi vafotidan so’ng 12-yoshida taxtga o’tirdi. Bobur toj-taxt uchun bo’lgan urushlar tufayli Andijondan chiqib ketib Hindistonda buyuk Boburiylar sulolasiga asos soldi. Hindistonda qudratli saltanat o’rnatgan, davlatning gullab-yashnashida katta hissa qo’shgan sevimli shoirimiz 1530-yil Agra shahrida oldamdan o’tdi. Bobur Hindistonda shoh bo’lsada bir umr vatanini, uning tuprog’ini, bag’ri keng odamlarini sog’inib yashadi.[widgetkit id=55]Zulm emas , bo’lganda podsho Adolat toj bo’ldi boshiga ,Asrlab tun bulut qoplagan Yo’l ochdi u Hind quyoshiga .Vatan mehrin qumsab yashadiDilda armon bo’lib qoldi u Singdiroldi Vatan tuyg’usin Avlodlarning qalbiga mangu.Bobur o’z umri davomida “ Boburnoma”, “Mubayyin al-zakot” (zakot bayoni), Xatti boburiy”, “Xarb ishi” kabi ko’plab nasriy va sheriy asarlar yaratdi. Boburni dunyoga tanitgan eng mashhur asari uning “Boburnoma” sidir. Asar taxminan 1493-1530-yillar oralig’idagi davrni qamrab olgan.Eski o’zbek tilida yozilgan bo’lib Markaziy Osiyo, Afg’oniston va Hindistonda sodir bo’lgan tarixiy-siyosiy voqealarini muallif hayoti va faoliyatini o’rganishda qimmatli manba hisoblanadi. U “Vaqoe”, “Tarix”, “Boburiya”, “Vaqoe Bobur”, “Voqeanoma”, “Turki Boburiy”, “Boburnoma” kabilar bilan mashhur.Talabalar Zahiriddin Muhammad Bobur hayotiga bag’ishlangan sahna ko’rinishini taqdim etishdi.Talabalar Bobur ruboiylaridan namunalar keltirishdi:Yoshlarni, kerakki, oshno kam qilsang,Har kimki vafo qilsa,jafo kam qilsang,Navmid bo‘lur barcha vafodorlaring,Gar shox nazaring birla vafo kam qilsang.***Ko‘ngli tilagan murodiga etsa kishi,Yo barcha murodlarni tark etsa kishi.Bu ikki muyassar o‘lmasa olamda,Boshni olib bir sarig‘a ketsa kishi.***Jonimda mening hayoti jonim sensan,Jismimda mening ruxi ravonim sensan.Boburni seningdek o‘zga yo‘q yori azizi,Alqissaki, umri jovidonim sensan.Mumtoz adabiyotimiz, tarixiy asarlarimizni mutolaa qilishdan maqsadimiz undagi zarra-zarra ganjinlarini bugungi yoshlarimiz ongiga yetkazib, hayotda to’g’ri ahamiyat uchun manfaatli yo’lga kirishlariga ko’maklashishdir. Dunyoning tilagi samari ham bir Aql ko’rin qarosi, javhari ham bir To’garak jahonni uzuk deb bilsak Shaklsiz uning ko’zi gavhari ham bizUnda kishi umrini mazmunli, barakali, o’zidan keyin dog’ va malomat qoldirmasdan yashashi, bu zaminda yashashdan maqsad, odamlarni ezgulikka yetaklash garovi bor. Unga amal qilish hammamizga nasib etsin. Tadbir oxiri Muhammad Yusufning “Bizdan ozod Vatan qoladi” she’ri bilan yakunlandi. O’tar necha bahorlar gulgun, Necha umr kuzlari kechib. Zamin uzra saf tortib bir kun, Biz ketamiz qushlarday ko’chib. Bir bebaho madan qoladi, Bizdan ozod Vatan qoladi.Bizning manzil oq-oydin sahar,Oftob sari yo’limiz ravon.Millat uchun kerak bo’lsa gar,Ming bir fido bo’lmasmi bu jon.Jon chekmasang, qaydan qoladi,Bizdan ozod Vatan qoladi. Odam bilan ulg’ayar makon,Dunyolarga doston bo’ladi.Ozod elning go’dagi sulton,Sultoni mard inson bo’ladi.Dahru dun hammadan qoladi, Bizdan ozod Vatan qoladi.Bug’doy sepsang bug’doying qiyg’os,Arpa ekkan - arpasin olur.Avlodlarga bizlardan meros,O’zbekona oriyat qolar.Bog’u bo’ston, chaman qoladi,Bizdan ozod Vatan qoladi. Z.M.Boburning 532 yilligiga bag’ishlangan adabiy kechamiz o’z nihoyasiga yetdi. Barchangizga vaqtingizni ayamay tashrif buyurganingiz uchun tashakkur bildiramiz.Barchangizga sog’liq tilagan holda, bugungi kechamizni yakunlaymiz. Shuni unutmangki o’tmishni o’rganish avlodlar uchun ham qarz, ham farzdir. Doimo sog’- salomat bo’ling. Tadbir tashkilotchilari:N. H. Mamatova - “Matematik fizika va analiz” kafedrasi dotsenti.A. A. Rahmonov - “Matematik fizika va analiz” kafedrasi o’qituvchisi.
