Filologiya fakulteti filologiya va tillarni o`qitish (o`zbek tili) ta’lim yo`nalishi 3-kurs «A» guruhining talabalari 2015 yil 28 yanvar «Yurtdoshimiz Fitratni o`rganamiz» Fitrat uy-muzeyiga sayohat tadbirini o`tkazishdi. Tadbirda 2015 yilning 7 yanvarida Fitrat uy-muzeyiga qilingan sayohat tahlili olib borildi.Tadbirda Abdurauf Fitrat uy-muzeyining tashkil etilishidan toki hozirgacha bo`lgan jarayonlar haqida ma’lumot berildi. Uy-muzeyda saqlanayotgan har bitta buyum haqida batafsil ma’lumot berildi.Tadbirda qatnashganlarning barchasi yurtdoshimizning ulug` ishlari, serfayz faoliyati, sharafli umr yo`li xususida o`z fikrlarini bildirdilar, talabalar tomonidan o`qilgan nazmiy satrlar yig`ilganlarni shod etdi. Tadbirning ikkinchi qismida Abdurauf Fitrat xotirasi uchun sukut saqlandi. Tadbir juda chiroyli o`tdi. Asosiysi, talabalarimizning kayfiyatlari ko`tarildi, o`zbek xalqining fidoiy farzandlaridan biri nomini, ruhini yod etdilar…
