02.03.2026

Talabalarga grantlarni qayta taqsimlash tartibi tasdiqlandi.

Hukumatning tegishli qarori (№149, 10.03.2025) bilan oliy ta'lim tashkilotlarida talabalarga grantlarni taqdim etish va qayta taqsimlash tartibi belgilandi.

2025-yil 25-martdagi Oliy ta'lim, fan va innovasiyalar vazirligining 117-sonli buyrug'i ijrosini ta'minlash maqsadida, Buxoro davlat universitetida 2024–2025 o'quv yili uchun ajratilgan ta'lim grantlari 50/50 nisbatda taqsimlandi. Universitet ma'lumotiga ko'ra, joriy o'quv yilida jami 574 ta ta'lim granti ajratilgan bo'lib, ularning 50 foizi to'liq ta'lim grantlari, qolgan 50 foizi esa to'liq bo'lmagan ta'lim grantlari sifatida belgilangan.

Asosiy talablar:

• GPA kamida 3.5 bo'lishi shart. Ushbu ko'rsatkichdan past bo'lgan talabalar grantlarni qayta taqsimlash jarayonida ishtirok eta olmaydi.
• Onlayn ro'yxatdan o'tish talab etiladi. Talabgorlar oliy ta'lim muassasasining rasmiy veb-sayti orqali hujjatlarini topshirishlari lozim.

Baholash tizimi:

• Akademik o'zlashtirish 80 ballik mezon asosida baholanadi (GPA × 16).
• Ijtimoiy faollik 20 ballik mezon asosida hisoblanadi (hisoblangan natija / 5).
• Natijalar ustuvorligi:
• Agar ikki yoki undan ortiq talabgor bir xil natija ko'rsatsa, akademik o'zlashtirish ko'rsatkichi yuqori bo'lgan talabgorga ustuvorlik beriladi.
• Agar o'zlashtirish natijalari teng bo'lsa, mutaxassislik fanlari bo'yicha qo'shimcha test sinovlari o'tkaziladi.

Grant oluvchilar ro'yxati har yili 25-avgustgacha oliy ta'lim muassasasining rasmiy veb-saytida e'lon qilinadi.

O'zbekiston Respublikasi Vazirlar Mahkamasining "Oliy ta'lim tashkilotlarida talabalarga grantlarni taqdim etish va qayta taqsimlash tartibi to'g'risidagi nizomni tasdiqlash haqida" 2025-yil 10-martdagi 149-sonli qarori

O'zbekiston Respublikasi Oliy ta'lim, fan va innovatsiyalar vazirining 2025-yil 25-martdagi 117-son buyrug'i

Buxoro davlat universitetida 2025/2026 o'quv yilida ta'lim granti sonini 2-kursga o'tadigan kunduzgi ta'lim shakli bo'yicha talabalar sonidan kelib chiqib  bakalavriat ta'lim yo'nalishi (magistratura mutaxassisligi), ta'lim tili  kesimida to'liq ta'lim granti va to'liq bo'lmagan ta'lim grantiga ajratgan holda qayta taqsimlash parametrlari

2026-2027 o‘quv yilida taʼlim granti sonini 2-kurs

2026-2027 o‘quv yilida taʼlim granti sonini 3-kurs