22.04.2026

Turkiyaning Anqara shahrida Hacettepe universiteti Anqara davlat konservatoriyasi sahnasida Buxoro davlat universiteti san’atkorlari ishtirokida “Buxoro universiteti konserti” yuksak saviyada bo‘lib o‘tdi.

Mazkur nufuzli konsert dasturida Buxoro davlat universitetidan 9 nafar vakil — professor-o‘qituvchilar hamda iqtidorli talabalar ishtirok etib, milliy musiqa va sahna san’atimizning nodir namunalarini xalqaro auditoriya e’tiboriga havola etdilar.

Konsert davomida “Naqshi Buxoro”, “Topmadim”, “Galdir”, “Ushoq Sodirxon”, “Buxorocha mavrigi”, “Vuqor”, “Gulzorim”, “Tanavor”, “Mustahzod”, “Xorazmcha”, “Sarı Gelin” kabi dilbar kuy-qo‘shiqlar, shuningdek, opera va cholg‘u ijrolari yangrab, tomoshabinlarda katta taassurot qoldirdi.

Ayniqsa, BuxDU san’atkorlarining sahnadagi mahorati, milliy ijro an’analariga sadoqati va yuksak badiiy saviyasi konsertga o‘zgacha ruh bag‘ishladi. Ushbu musiqiy kecha Buxoro davlat universitetining nafaqat ta’lim va ilm-fan, balki san’at va madaniyat yo‘nalishidagi salohiyati ham yuksak ekanini yana bir bor namoyon etdi.

Buxoro davlat universiteti vakillarining ushbu nufuzli xalqaro sahnadagi ishtiroki milliy san’atimizni dunyoga tarannum etish, madaniy aloqalarni mustahkamlash va yosh iste’dodlar uchun katta ilhom maktabiga aylanishi bilan alohida ahamiyatlidir.

Anqarada yangragan Buxoro navolari — BuxDU san’atining yuksak parvozi bo‘ldi!