Kafedra mudir_ (fan doktori va professor ilmiy unvonga ega)
Kimyo va neft-gaz texnologiyalari kafedrasi
22.10.2026
Kimyo va neft-gaz kimyosi bo‘yicha malakali mutaxassislar tayyorlash, koordinatsion birikmalar va kompozitsion materiallar sohasida ilmiy tadqiqotlar olib borish hamda ilmiy ishlanmalarni amaliyotga tatbiq etishga yo‘naltirilgan kafedra.
Kimyo va neft-gaz texnologiyalari kafedrasi Buxoro davlat universiteti rektorining 2024-yil 24-apreldagi 811-Sh-sonli buyrug‘i asosida “Umumiy va noorganik kimyo” hamda “Organik va fizkolloid kimyo” kafedralari negizida tashkil etilgan.
Kafedraning ilmiy-pedagogik tarixi 1931-yilda professor F.A. Turdakov rahbarligida tashkil etilgan Kimyo kafedrasiga borib taqaladi. Bugungi kunda kafedrada kimyo va neft-gaz kimyosi yo‘nalishlari bo‘yicha bakalavrlar, kimyo mutaxassisligi bo‘yicha magistrlar hamda ilmiy ixtisosliklar asosida tadqiqotchilar tayyorlanmoqda.
Kafedrada 6 nafar professor, 10 nafar dotsent va 7 nafar o‘qituvchi faoliyat yuritadi. Kafedra mudiri — G‘aniyev Baxtiyor Shukrulloyevich, kimyo fanlari bo‘yicha falsafa doktori (PhD), dotsent.
Professor F.A. Turdakov rahbarligida Kimyo kafedrasi faoliyati boshlangan.
Ya.I. Pakanayev davrida dorivor o‘simliklarning alkaloidlari, flavonoidlari va uglevodlarini o‘rganish bo‘yicha tadqiqotlar rivojlantirildi. Laboratoriyalarning moddiy-texnik bazasi mustahkamlandi.
Universitet maqomi berilganidan so‘ng kimyo kafedrasi “Umumiy kimyo” va “Organik va fizkolloid kimyo” kafedralariga ajratildi.
Koordinatsion birikmalar kimyosi bo‘yicha ilmiy laboratoriya faoliyati rivojlandi, davlat ilmiy-texnik dasturlari asosida grantlar bajarildi. Ketoaldegid, ketoefir hosilalari va komplekslar bo‘yicha fundamental izlanishlar olib borildi.
2024-yil 24-apreldagi 811-Sh-sonli buyruqqa muvofiq “Kimyo va neft-gaz texnologiyalari” kafedrasi tashkil etildi.
Kafedraning ilmiy maktabini shakllantirish va rivojlantirishda G.B. Kamayeva, Ya.I. Pakanayev, M.R. Mavlonova, R.A. Shoymardonov, R.G‘. G‘afurov, T.Q. Qurbonboyeva, N.Sh. Kattayev, B.B. Umarov, M.I. Egamberdiyeva, B.X. Ibotov, M.Ya. Ergashov, B.U. Raxmatov, H.T. Avezov, G.A. Xudoynazarova, Z.K. Qodirova, O.M. Yoriyev va boshqa olimlar munosib hissa qo‘shgan.
Kimyo yo‘nalishi bo‘yicha bakalavrlar tayyorlanadi.
Neft va gaz kimyosi yo‘nalishida bakalavrlar tayyorlanadi.
Kimyo mutaxassisligi bo‘yicha magistrlar tayyorlanadi.
Kafedraning ikkita ta’lim dasturi Germaniyaning ACQUIN akkreditatsiya agentligi tomonidan xalqaro akkreditatsiyadan muvaffaqiyatli o‘tkazilgan. Akkreditatsiya sertifikatlari universitetga 2026-yil may oyida rasman topshirilgan.
Kimyo (turlari bo‘yicha)
Kimyo (fan yo‘nalishlari bo‘yicha)
Kafedrada to‘rtta ilmiy ixtisoslik bo‘yicha tadqiqotlar olib boriladi va oliy ta’limdan keyingi ta’lim uchun kadrlar tayyorlanadi.
DSc, PhD va stajyor-tadqiqotchilik
DSc, PhD va stajyor-tadqiqotchilik
PhD
DSc, PhD va stajyor-tadqiqotchilik
Quyidagi qabul ko‘rsatkichlari kafedra taqdim etgan jadval asosida berilgan.
| Ixtisoslik | DSc | PhD | Maqsadli PhD | Stajyor |
|---|---|---|---|---|
| 02.00.01 | 1 | 4 | 0 | 1 |
| 02.00.07 | 1 | 4 | 0 | 1 |
| 02.00.13 | 0 | 3 | 0 | 0 |
| 02.00.14 | 1 | 2 | 0 | 1 |
| Jami | 3 | 13 | 0 | 3 |
Kafedrada koordinatsion birikmalar kimyosi, kompozitsion va polimer materiallar, yong‘inga chidamli materiallar hamda mahalliy xomashyo asosidagi kimyoviy texnologiyalar bo‘yicha ilmiy tadqiqotlar olib borilmoqda.
O‘tish metallarining N, O, S, P-donor ligandlar bilan koordinatsion birikmalarini sintez qilish, tuzilishi va xossalarini IQ, UB, EPR spektroskopiya hamda DFT/B3LYP modellashtirish orqali o‘rganish.
Kompozitsion, polimer, lok-bo‘yoq, rezina va yong‘inga chidamli materiallar hamda mahalliy xomashyo asosida noorganik va organik mahsulotlar olish texnologiyalarini tadqiq etish.
Kafedra tarkibida ikkita ilmiy-tadqiqot laboratoriyasi faoliyat ko‘rsatadi. Laboratoriyalar zamonaviy spektrometrlar, analitik va fizik-kimyoviy tadqiqot uskunalari bilan jihozlangan.
Koordinatsion birikmalarni sintez qilish va fizik-kimyoviy usullar bilan tadqiq etishga ixtisoslashgan.
Kompozitsion materiallar, kimyoviy mahsulotlar va ularning xossalarini tadqiq etishga ixtisoslashgan.
Asosiy jihozlar:
Laboratoriyada 9 nafar doktorant va izlanuvchi tadqiqot olib borgan, ulardan 5 nafari dissertatsiyasini muvaffaqiyatli himoya qilgan.
Shuningdek, 6 nafar magistrant va 10 nafar iqtidorli talaba laboratoriyada tadqiqot ishlari olib borgan. Talabalardan ikki nafari “Mirzo Ulug‘bek vorislari” tanlovining respublika bosqichi g‘olibi bo‘lgan.
Asosiy jihozlar:
Kafedraning ikki ilmiy laboratoriyasida amalga oshirilgan tadqiqotlar natijasida ilmiy maqolalar nashr etilgan, ixtiro va foydali modellar rasmiylashtirilgan hamda xo‘jalik shartnomalari bajarilgan.
Ikki laboratoriya doirasida jami 3 ta xo‘jalik shartnomasi bajarilgan.
“Peshku qurilish-2018” MChJ bilan hamkorlikda noorganik pigmentlarni olish usullarini yaratish bo‘yicha amaliy ishlar bajarilgan.
“Xanadu Grant Plyus” MChJ bilan hamkorlikda laboratoriya jihozlari asosida yangi tarkibli gazoblok namunalari tahlil qilingan.
Kafedra xalqaro universitetlar va ilmiy markazlar bilan ilmiy-tadqiqot ishlari hamda qo‘shma loyihalar doirasida hamkorlik olib boradi.
Antimikrob kukunsimon birikma bo‘yicha ilmiy hamkorlik olib borilgan.
Rossiya Federatsiyasi patenti, 2024-yil
Drezden amaliy fanlar universiteti bilan lyuminessent biosensorlar yo‘nalishida qo‘shma loyiha tayyorlash bo‘yicha hamkorlik aloqalari o‘rnatilgan.
Talabalar malakaviy va ishlab chiqarish amaliyotlarini mintaqaning kimyo hamda neft-gaz sanoati korxonalarida o‘taydilar.
Kafedrada kimyoning asosiy tarmoqlari, zamonaviy tadqiqot usullari va kimyoviy texnologiyalarga oid fanlar o‘qitiladi. Batafsil ro‘yxatlar ta’lim bosqichlari bo‘yicha guruhlangan.
Ayrim fanlar rus tilida hamda turli kurs bosqichlari bo‘yicha alohida o‘qitiladi.
Kafedra jamoasi 6 nafar professor, 10 nafar dotsent va 7 nafar o‘qituvchidan iborat.
Umarov Baqo Bafayevich, Amonov Muxtor Raxmatovich, Xudoynazarova Gulbahor Akiyevna, Nazarov Sayfullo Ibodullayevich, Sharipov Muzaffar Samandarovich, Tursunov Murod Amonovich.
G‘aniyev Baxtiyor Shukrulloyevich, Mardonov O‘ktam Mardonovich, Razzoqov Hasan Qalandarovich, Abduraxmonov Sayfiddin Fayzullayevich, Xudoyarova Etibor Axadovna, Qodirova Zulfiya Qobilovna, Avezov Quvondiq G‘iyosovich, Avezov Hasan Tillayevich, Xudoyberdiyev Shuxrat Shamsiddinovich, Jalilov Sherali Negboyevich.
Sharipova Lobar Olimovna, Mutalipova Dilorom Baxtiyorjon qizi, Xoliqova Gulyayra Qo‘ldoshevna, Karomatov Sardor Aminovich, Ortiqov Sherzod Sharofovich, Norov Ilg‘or Ilhomovich, Ochilova Mahbuba Kamol qizi.
Kafedrada laboratoriya mudirlari Isoyev Shohrux Nosir o‘g‘li va Jumayeva Zarina Rustam qizi ham faoliyat yuritadi.
Bakalavriat, magistratura va doktorantura bosqichlarida kadrlar tayyorlash.
Koordinatsion birikmalar kimyosi va kompozitsion materiallar texnologiyasi sohasidagi izlanishlar.
Kimyo va neft-gaz korxonalari, xorijiy universitetlar bilan ilmiy hamda ishlab chiqarish aloqalari.
buxdu_rektor@buxdu.uz
(+998) 65 221-30-46
ZH-CN
UZ
RU
EN
