15.09.2026

Bugun, 15-sentabr kuni Polsha Respublikasining biznes delegatsiyasi Buxoro davlat universitetiga tashrif buyurdi.
Delegatsiyaga Lyublin O'zbekiston-Polsha Savdo-sanoat palatasi vitse-prezidenti Sebastian Białas boshchilik qildi.
 

Delegatsiya tarkibidan, shuningdek, ALBI-TECH Sp. z o.o. vakillari Patrycja Białas, Lubelski Instytut Badawczo-Rozwojowy PSA vakillari Sebastian Białas va Łukasz Andrykowski, REYBUD Sp. z o.o. vakili Marek Świerczuk, Wspólny Dom Hubert Deptuła Sp. z o.o. vakili Hubert Deptuła, Viki – Katarzyna Jedlina vakili Katarzyna Jedlina, Clean Concept Sp. z o.o. vakili Jerzy Frąckiewicz, UZE Export-Import Sp. z o.o. vakillari Grzegorz Michalak va Wojciech Michalak, Windflower Poland Sp. z o.o. vakili Paweł Górski, K&M Logistic vakili Mariusz Majek, ko‘chat yetishtirish yo‘nalishida faoliyat yurituvchi Jacek Jurgielewicz hamda Elementa Mundi Sp. z o.o. vakili Anna Maria Serwan-Ochryśko o‘rin oldi.

Mehmonlarni Buxoro davlat universiteti rektori, professor Obidjon Xamidov boshchiligidagi universitet rahbariyati kutib oldi.
BuxDUning kichik majlislar zalida tashkil etilgan uchrashuvda universitet rahbariyati, fakultet dekanlari, kafedra mudirlari va professor-o‘qituvchilar ham ishtirok etdilar.

Muloqot davomida ilmiy tadqiqotlar va innovatsion ishlanmalarni ishlab chiqarishga tatbiq etish, universitet va biznes o‘rtasidagi hamkorlikni rivojlantirish, istiqbolli loyihalarni birgalikda amalga oshirish hamda o‘zaro manfaatli aloqalarni kengaytirish masalalari muhokama qilindi.

Polsha delegatsiyasi tarkibidagi kompaniyalar ilmiy-tadqiqot va tajriba-konstruktorlik ishlari, muhandislik va avtomatlashtirish, 3D-modellashtirish, sun’iy intellektga asoslangan raqamli yechimlar, energetika, energiya samaradorligi, qurilish, logistika, sug‘urta, kimyo mahsulotlari, ko‘chmas mulk va ko‘chat yetishtirish kabi yo‘nalishlarda faoliyat olib boradi.