29.01.2026

Andijon viloyatida joriy yilning 27–30-yanvar kunlari yengil atletika bo‘yicha yoshlar va kattalar o‘rtasida O‘zbekiston chempionati bahslari o‘tkazilmoqda. Mazkur nufuzli musobaqada Buxoro davlat universiteti sportchi-talabalari muvaffaqiyatli ishtirok etib, dastlabki kunning o‘zidayoq yuksak natijalarni qayd etishdi.

Chempionatning birinchi kuni yakunlariga ko‘ra, universitetimiz jamoasi hisobiga quyidagi medallar qo‘shildi:
Zayniddin Ravshanov — 60 metrga to‘siqlar osha yugurish yo‘nalishida 8.21 soniya natija bilan oltin medalni qo‘lga kiritib, mutlaq g‘oliblikni rasmiylashtirdi;

Zayniddin Ravshanov, Mirzo Zoirov va Aslbek Radjabov — 4x400 metr masofaga estafeta usulida yugurishda 3:32.78 natija ko‘rsatib, kumush medalga sazovor bo‘lishdi;

Aslbek Radjabov — 800 metr masofaga yugurish bahslarida 2:01.84 soniya natija bilan bronza medaliga loyiq topildi.

Ayni damda Andijon arenalarida musobaqa bahslari davom etmoqda. Buxoro davlat universiteti jamoasi o‘z mahoratini namoyish etayotgan barcha sportchi-talabalarimizga navbatdagi startlarda ham omad va yangi zafarlar tilaydi.