11.01.2022

2021 yilning 18-yanvar kuni Buxoro davlat universitetida Tarix va madaniy me'ros fakulteti  "Milliy g'oya, ma'naviyat asoslari va huquq ta'limi" kafedrasi katta o'qituvchisi Sobirov Umid Baxtiyorovich Mudofaa vazirligi tomonidan "Ma'naviyat a'lochisi" ko'krak nishoni bilan taqdirlandi. Taqdirlash marosimida BuxDU o’quv ishlari bo’yicha prorektori M.I.Daminov, Tarix va madaniy meros fakulteti dekani J.R.Jo’rayev, BuxDU Yoshlar Ittifoqi yetakchisi F.Karimov, Tarix va madaniy meros fakulteti dekan o’rinbosari A.Boltayev, Tarix va madaniy meros fakulteti professor-o’qituvchilari, talabalari Buxoro garnizoni harbiy qism harbiy orkestri hamda qatnashdilar.Ma’lumot sifatida aytish mumkinki, Sobirov Umid Baxtiyorovich 1980 yil 27 fevralda Buxoro viloyati Jondor tumanida tug‘ulgan. Ish faoliyatida o‘zining namunali intizomi, shuningdek o‘ziga yuklatilgan vazifa hamda majburiyatlariga vijdonan yondashishi, halol mehnati bilan jamoatchilikning hurmat etiboriga sazovor bo‘lgan o‘qituvchi. Pedagog sifatida talabalarga dars o‘tish jarayonida interfaol usullaridan, elektron darsliklardan foydalanib darslarni tashkil etib kelmoqda.Shu yillar davomida o‘quv-uslubiy sohada 4 ta uslubiy ko‘rsatma va 4 ta uslubiy qo‘llanma  va risolalar muallifi. Ilmiy-uslubiy sohada 50 dan ortiq maqola va tezislari bilan respublika va xalqaro jurnal va konferensiyalarda ishtirok etgan.01.08.2019 yilda “Ma’rifat” targ‘ibotchilar jamiyati a’zosi.25.01.2019 yilda «Qadriyatlar yo‘nalishi» savolnomasi uchun EHM dasturi mualliflik guvohnoasini olgan.13.03.2020 yilda «Milliy g‘oya, ma’naviyatning pedagogik asoslari fani bo‘yicha elektron darslik»  EHM dasturi mualliflik guvohnoasini olgan.2019 yil avgustdan viloyat bo‘yicha “Saylovlarga tayyorgarlik ko‘rish va uni o‘tkazishning tashkiliy huquqiy masalalari” bo‘yicha o‘quv-treneri.2019 yil 9-noyabrda 23-“Buxoro” OSK qaroriga ko‘ra 21-USK raisi.OTM talabalarini turli ko‘rik tanlovlarga tayyorlab kelgan. 2015 va 2016 yillarda Viloyat miqyosidagi “Yuksak ma’naviyatli avlod” festivalida shogirdlari “Tarix bilimdoni”, “Prezident asarlari bilimdoni” kabi yo‘nalishlarda sovrinli o‘rinlarni qo‘lga kiritib kelgan. 2019-2020 yillarda OTM o‘rtasidagi “O‘zbekistonni rivojlantirish strategiyasi. Fuqarolik jamiyati” fan olimpiadasida shogirdi Alimov Muhammad bilan Respublika miqyosida munosib qatnashib, 3 darajali diplomni qo‘lga kiritdi. Buxoro viloyati, tuman va shaxarlardagi turli korxona, tashkilot, muassasalarda  o‘tkazilayotgan tadbirlarda faol ishtirok etib, mamlakatimizda keng ko‘lamli, ayniqsa ma’naviy-ma’rifiy, ta’lim sohasida amalga oshirilgan islohotlarning mazmun-mohiyatini targ‘ib qilib kelmoqda.O‘zbekiston Respublikasi mudofa vaziri B.Kurbanovning 2021 yil 8 yanvardagi №15-sonli buyrug‘iga asosan “Ma’naviy-ma’rifiy ishlar a’lochisi” ko‘krak nishoni bilan mukofotlandi.BuxDU Matbuot xizmati