11.01.2022

15-dekabr kuni universitetimizga Isroilning O‘zbekistondagi favqulodda va muxtor elchisi Zexavit Ben-Xillel tashrif buyurdi.Elchi xonim bilan uchrashuvda rektor O.Xamidov, xalqaro hamkorlik bo‘yicha prorektor A.Jo‘rayev, Tashqi ishlar vazirligi Buxoro hududiy bo‘limi vakili J.Ahmedovlar ishtirok etishdi.Rektor O.Xamidov Buxoro davlat universiteti, shuningdek Isroil oliy o'quv yurtlari bilan mavjud aloqalar haqida ma'lumot taqdim etdi. Xolon texnologiya instituti bilan hamkorlikning ijobiy tajribasi, xususan 2019-2020 o‘quv yilidan boshlab 2 ta qo‘shma ta’lim dasturlari tashkil etilganligi (ayni paytda jami 100 nafar talaba), onlayn ma'ruzalar o‘tilayotganligi qayd etildi.Elchi Ben-Xillel Buxoro davlat universitetining onlayn va masofaviy ta'limni tashkil etish tajribasi bilan qiziqdi, chunki universitet talabalarining hozirgi soni 21 mingga yaqinlashganligi muayyan masalalarning hal qilinishini talab qiladi. Rektor O.Xamidov universitetni qo'shimcha texnik vositalar bilan jihozlashni jadallashtirish jarayoni va karantindan oldin onlayn platformalardan foydalanishning mavjud bo'lgan ijobiy tajribasi haqida gapirib, bu o‘z navbatida katta qiyinchiliksiz onlayn ta'limga o'tishga imkon berganligini ma’lum qildi.Shundan so‘ng tomonlar hamkorlik takliflarini muhokama qilishga o'tdilar.BuxDU tomonidan qisqa muddatda onlayn ma'ruzalar uchun mavzular ro'yxatini taqdim etishi va Isroil tomoni ma'ruzalarni yangi yildan so'ng boshlashga harakat qilishiga kelishib olindi.2) Universitet tomonidan "Agropolis" (qishloq xo'jaligi shaharchasi) ilmiy-tadqiqot kompleksini yaratish bo‘yicha ishlab chiqilgan loyiha taqdim etildi. Isroilning qishloq xo'jaligi  va suv resurslaridan samarali foydalanish sohasidagi ulkan tajribasidani foydalangan holda, loyihaning ilmiy qismi uchun universitetlar qatorida, ilmiy ishlanmalarni tijoratlashtirish uchun kompaniyalarni ham jalb qilish mumkinliki bildirildi.“Agropolis” loyihasi elchi Z.Ben-Xillelda qiziqish uyg'otdi. BuxDU loyiha haqida batafsil ma'lumot berishu va elchi potentsial hamkorlarni jalb qilish variantlarini ko'rib chiqishga kelishib olindi. Raqamli qishloq xo'jaligi, qishloq xo'jaligida innovatsiyalar va tomchilatib sug'orish bo'yicha dunyodagi yetakchilardan biri bo'lgan Isroilning Netafim kompaniyasi hamkorlardan biri bo'lishi mumkin.3) BuxDU tomonidan Isroil universitetlaridan biri bilan innovatsion ilmiy ishlanmalar to'g'risida ma'lumot almashish va qo'shma ilmiy va innovatsion axborot markazini yaratish masalasini ko'rib chiqish taklif etildi. Elchi Z.Ben-Xillel bu masalani kun tartibiga olishini ma’lum qildi.Universitet xalqaro hamkorlik bo'yicha prorektori A.Jo‘rayev muhokama qilingan masalalar bo'yicha elchining yordamchilari bilan doimiy aloqada bo'lib turishiga kelishildi.Shuningdek, elchi Z.Ben-Xillel Xolon texnologiya instituti bilan axborot texnologiyalari hamda amaliy matematika bo'yicha qo'shma ta'lim dasturlari talabalari uchun yaratilgan sharoitlar bilan ham tanishdi.BuxDU Matbuot xizmati