11.01.2022

Buxoro viloyati Romitan tumani Gazli shahri 36-umumo‘rtata’lim maktabida “YANGI O‘ZBEKISTON – YANGICHA DUNYLOQARASH” shiori ostida o‘tkaziladigan ma’naviy-ma’rifiy, madaniy tadbir amalga oshirildi. Tadbirda  Buxoro davlat universiteti vakili: Z.S.Nurov – “Turizm va mehmonxona xo‘jaligi” kafedrasi mudiri v.v.b., F.A. Amonov – sektor rahbari, Sh.D.Po‘latov- Gazli shahri hokimi, N.Jabborov – 17-BMSM direktori, H.Hinazarov – tuman JT va sport bo‘limi mutaxassisi,  T.T Izteleuova- AKT mutaxassisi, M.Ahmedova-AKM mutaxassisi, A.Xodjayev-tuman ABKM mutaxassisi 36-umumo‘rtata’lim maktabi o‘quvchilari, o‘qituvchilar, viloyat hokimligi vakillari va drama teatri vakillari, mahalliy aholi vakillari ishtirok etishdi. Kun tartibidagi masala yuzasidan Buxoro viloyatida “YANGI O‘ZBEKISTON – YANGICHA DUNYOQARASH” shiori ostida o‘tkaziladigan ma’naviy-ma’rifiy, madaniy tadbirlar doirasida maktabda tashkillashtirilgan 5 tashabbus bo‘yicha amalga oshirilgan ishlar ko‘zdan kechirildi va maktab o‘quvchilari tomonidan tashkillashtirilgan madaniy tadbir tomosha qilindi. Maktabdagi 5 tashabbus bo‘yicha amalga oshirilgan tadbirlar va ular bo‘yicha tashkillashtirilgan xonalar ko‘zdan kechirildi. Maktab o‘quvchilari tomonidan tashkillashtirilgan “Qizil qalpoqcha” ertagining qo‘g‘irchoq teatri orqali sahnalashtirilgan spektakli tomoshabinlar tomonidar maroq bilan kuzatildi. Shundan so‘ng a’zolar sport xonalari va sport maydonchalari holati bilan tanishib chiqishdi.Maktabda sport maydonchasi va sportzal yaqinda ta’mirlangan va foydalanishga topshirilgan. Maktab o‘quvchilari tomonidan volleybol o‘yini va shashka musobaqasi a’zolarga namoyish etildi. Bundan tashqari maktab hududida qo‘g‘irchoqar yasash uchun bolalar ijodiyoti xonasi ham borligi ta’singa loyiq. Ushbu maktab qo‘hirchoq yasovchi guruhi respublikada eng namunali va peshqadam ekanligi ta’kidlab o‘tildi.Xonalardagi vaziyat va umumiy maktab holati o‘rganilgach, madaniy tadbir maktabning yig‘ingohida tashkillashtirildi. Tadbirni Gazli shahri hokimi Sh.Po‘latov ochib berdi va keyingi so‘zni Buxoro davlat universiteti vakili Z.Nurovga topshirdi. Z.Nurov yig‘ilishni kirish so‘zi bilan boshlab, mamlakatimizda Davlat rahbarining tashabbusi bilan ishlab chiqilgan O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi doirasida xalq manfaatlariga qaratilgan keng qamrovli islohotlar amalga oshirilayotganligi va yoshlarni madaniyat, san’at, jismoniy tarbiya va sportga keng jalb etish, axborot texnologiyalaridan foydalanish ko‘nikmalarini shakllantirish, kitobxonlikni targ‘ib qilish, xotin-qizlar bandligini oshirishga qaratilgan 5 ta muhim tashabbus hayotga samarali tadbiq etilayotganligi to‘g‘risida ma’lumot berib o‘tdi. Ushbu islohotlarning mazmun-mohiyati va ahamiyatini xalqimizga yetkazish, targ‘ibot tadbirlarini “mahallabay” tashkil etish va o‘tkazish, aholi kayfiyatini ko‘tarishga qaratilgan chora-tadbirlarni samarali tashkil etish maqsadida   “YANGI O‘ZBEKISTON – YANGIChA DUNYoQARASH” shiori ostida o‘tkaziladigan ma’naviy-ma’rifiy, madaniy tadbirlarni amalga oshirish asosiy maqsadimiz ekanligini ta’kidlab o‘tdi.Tadbir yakunida Z.Nurov Prezidentimizning 2020 yildagi parlamentga Murojaatnomasi hamda O‘qituvchi va murabbiylar kuniga bag‘ishlangan tantanali marosimdagi nutqi mazmun-mohiyati tahlil etilib, O‘zbekistonning tashqi siyosiy faoliyatidagi asosiy masalalar haqida ma’lumot berildi. Shuningdek, “Konstitutsiya – xalq farovonligi va yurt tinchligi”, “Yangi O‘zbekiston – yangi taraqqiyot bosqichida”, “Xotin-qizlarni ijtimoiylashtirish va ularni faollashtirish”, “Yoshlarni ijtimoiy faollashtirishga innovasion yondashuv” mavzularida ma’ruzalar tinglanib, o‘zaro fikr almashiladi. Bundan tashqari tadbir davomida Shukrona rukni ostida efirga uzatilgan videorolik to‘g‘risida o‘z fikrini bayon etdi.