11.01.2022

Assalomu alaykum, hurmatli hamkasblar, qadrli ustozlar, aziz yurtdoshlar!Avvalo barchangiz bilan shunday shodiyona kunda, diydorlashib turganimizdan benihoyat xursandmiz. Ayni kunlarda qutlug‘ bir tarixiy sana, tilimizning o‘z erkiga erishgan kuni, yurtimiz bo‘ylab keng nisholanib kelinmoqda. Haqiqatdan tilimiz bu millatimiz ko‘zgusi. Unda millatning uzoq o‘tmishidan tortib, to bugungi kungacha bo‘lgan davri, madaniyati, ma’naviyati mujassam. Insonning tilini bilmasdan turib, u bilan fikrlashish imkonsiz. Qolaversa, u MILLATNI dunyoga tanitadigan ma’naviy asos, uning muhim belgisi, uzviy va ajralmas bir bo‘lagidir.Xalqaro minbarlarda jaranglagan davlat tilimizni BUGUN BUTUN dunyo tan olmoqda. Yurboshimizning joriy yilning 23 sentyabr kuni Birlashgan Millatlar Tashkiloti Bosh Assambleyasining 75-sessiyasida, ona tilimizda so‘zlagan nutqlari barchamizga mana shunday FAXR TUYGʻULARINI uyg‘otdi. Bunday quvonch  nafaqat O‘zbekistonliklarni, BALKI BUGUNGI kunda dunyoda yashayotgan millionlab o‘zbeklarni ham RUHLANTIRGANI, jahon hamjamiyatida katta qiziqish uyg‘otganidan shodligimiz cheksizdir.Bugun ta’lim dargohimizda O‘zbekiston Respublikasining “Davlat tili haqida”gi Qonuni qabul qilinganining 31 yilligi hamda O‘zbekiston Respublikasi Prezidentining «O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida»gi PF-5850-son Farmonida ko‘zda tutilgan “O‘zbek tili bayrami kuni”ni keng nishonlash, jumladan: o‘zbek tilining davlat tili sifatida nufuzini oshirish va qo‘llanish ko‘lamini yanada kengaytirish; davlat tilini milliy qadriyat sifatida e’zozlash, unga nisbatan milliy g‘urur hissini kuchaytirish va targ‘ib etish; o‘zbek tilining xalqaro mavqeini mustahkamlash maqsadida Buxoro davlat universiteti, Buxoro viloyat hokimligi, O‘zbekiston Respublikasi Oliy va o‘rta maxsus ta’lim vazirligi, O‘zbekiston Respublikasi innovasion rivojlanish vazirligi, O‘zbekiston Respublikasi Madaniyat vazirligi, Respublika ma’naviyat va ma’rifat markazi Buxoro viloyat bo‘limi hamda Davlat tilini rivojlantirish departamenti bilan hamkorlikda bir qator ishlar amalga oshirilmoqda.Fursatdan foydalanib yurtimiz ahlini, universitet jamoasi nomidan bugungi bayram bilan muborakbod etaman! Hurmat va ehtirom ila,Buxoro davlat universiteti rektori,iqtisodiyot fanlari doktori, professor Obidjon Xafizovich Xamidov