11.01.2022

Psixologiya fani inson shaxsi, uning ichki dunyosi haqidagi bilimlarning murakkab sohasidir. Psixologiya har kimga o‘z tajribasidan ma’lum bo‘lgan sezgi, idrok,  xotira, tafakkur, xayol, his-tuyg‘u va insonning qobiliyati, iste’dodi, temperamenti, xarakteriga xos ruhiy hodisalar haqidagi bilimlarni o‘z ichiga olgan sohadir. Davrimizning yetuk psixologi, professor V. Karimova hozirgi zamon psixologiyasining taraqqiy etib borishiga shunday ta’rif keltiradi: «Psixologiya  sohasida mukammal darsliklar yozila boshlangan davrga salkam 160 yil bo‘ldi. Shu davr ichida juda ko‘plab ilmiy  tadqiqot natijalarini o‘z ichiga olgan monografiyalar, darsliklar qo‘llanmalar yozildi. Lekin bu bilan fan o‘zining jamiyat oldidagi vazifalarini to‘laqonli bajara oldi, degan xulosa chiqarib bo‘lmaydi. Sababi, psixologiya sohasida faoliyat ko‘rsatgan barcha olimlar ko‘proq diqqatlarini mavhum shaxs va individual psixologiyaga qaratdilar. Vaholanki, inson, uning barkamolligi, jamiyat taraqqiyotiga bevosita ta’siri masalasi o‘tgan asr oxiriga kelib o‘ta dolzarb va muhim muammolar qatoridan joy oldi.Bugun Buxoro davlat universitetida Pedagogika fakulteti Psixologiya kafedrasi tashabbusi bilan psixologlar kuniga bag'ishlangan "XXI asr psixologiyasi" mavzusida ma'naviy-ma'rifiy tadbir bo'lib o'tdi. Ushbu tadbirni Buxoro davlat universiteti rektori iqtisod fanlari doktori, professor O.X. Xamidov kirish so'zi bilan ochib berdi. "Jamiyatimizni rivojlantirish uchun, jamiyatimizda kerakli bir inson bo'lib shakllanishi uchun  Psixologiya fanini, ushbu ilmni qay darajada ekanligini o'zlarini bellashuvlarida ko'rsatib beradilar. Tadbirni ko'tarinki ruhda o'tkazishda bir qator talabalarimiz ushbu soha bo'yicha juda katta bir yutuqlarga erishgan, psixologiya fan olimpiadasi bo'yicha g'oliblikni qo'lga kiritgan talabalarimizni o'rni beqiyosdir" - deydi Buxoro davlat universiteti rektori iqtisodiyot fanlari doktori, prof. Xamidov Obidjon Xafizovich.Shuningdek, ushbu tadbirni ochib berishda Pedagogika fakulteti Psixologiya kafedrasi mudiri psixologiya fanlari doktori, professor Sh.R. Barotov  talabalarni ushbu kun bilan tabriklab bellashuvlarni ochib deb e'lon qildi. Tadbirda shuningdek, Buxoro davlat universiteti ilmiy ishlar va innovatsiyalar bo'yicha prorektori O.S. Qahhorov, Pedagogika fakulteti dekani E.Muxtorov, Navoiy viloyatidan tashrif buyurgan professor-o'qituvchilar qatnashdilar. Bellashuvlarda 1-3 bosqich talabalarining tanishtiruv taqdimoti bo'lib o'tdi. Shuningdek, talabalar o'zlarining sahna ko'rinishlari bilan hakamlar tomonidan baholandilar. Bellashuvlarda 1-boqich talabalaridan "Temperament" jamoasi, 2-bosqich talabalaridan "Motivator" jamoasi hamda 3-bosqich talabalaridan "Tafakkur" jamoalari qatnashdilar.  Buxoro davlat universiteti Matbuot kotibi Otabek Jalolov