Inson resurslarini boshqarish departamentining faoliyati va vazifalari:

BuxDU Inson resurslarini boshqarish departamenti universitetning tarkibiy bo‘limi hisoblanadi. Inson resurslarini boshqarish departamenti universitet Ustavi, Inson resurslarini boshqarish departamenti Nizomi asosida ish yuritadi. O‘z amaliy faoliyatida O‘zbekiston Respublikasi Oliy va o‘rta maxsus ta’lim vazirligi buyruqlari, universitet buyruq va ko‘rsatmalariga amal qiladi. O‘zbekiston Respublikasi qonunlari, Kadrlar tayyorlash milliy dasturini, Prezident farmoyishlarini, Vazirlar Mahkamasining ta’lim va yosh avlodni tarbiyalash, bilim berish haqidagi qarorlarini amalda qo‘llagan holda, universitet rahbariyati bilan birgalikda kerakli mutaxassislikka va malakaga ega bo‘lgan, ish saviyasi va uslubi talabga javob bera oladigan professor-o‘qituvchilar hamda xodimlar bilan ta’minlashni tashkil etadi.

Departament tarkibi

— Professor-o‘qituvchilar, o‘quv-yordamchi, ma’muriy va xizmat ko‘rsatuvchilar tarkibi bilan ishlash;

— Talabalar va yosh mutaxassislar bilan ishlash.

Har bir guruhda ish Inson resurslarini boshqarish departamenti boshlig‘i rahbarligi ostida lavozim yo‘riqnomalariga muvofiq mustaqil ravishda katta inspektor va inspektorlar tomonidan olib boriladi.

Umumiy faoliyati

— Inson resurslarini boshqarish departamenti universitet bo‘limlarida shtat jadvali tartibiga rioya qilinishini nazorat qiladi va bo‘limlar tomonidan aniqlangan kamchiliklarni bartaraf etadi;

— Inson resurslarini boshqarish departamenti xodimlari o‘z ish malakalarini oshirishi, mehnat qonunchiligi asosida ichki tartib-qoidalarini bajarishi lozim;

— Inson resurslarini boshqarish departamenti boshlig‘i lavozimiga oliy ma’lumotli, kadrlar ishida kamida 5 yil stajga ega bo‘lgan shaxslar qabul qilinadi;

— Inson resurslarini boshqarish departamenti boshlig‘i O‘zbekiston Respublikasining amaldagi qonunchiligiga, universitet Ustaviga, Inson resurslarini boshqarish departamenti Nizomiga hamda lavozim yo‘riqnomasiga amal qilishi zarur;

— Inson resurslarini boshqarish departamenti universitet nomi yozilgan dumaloq muhrga ega.

Inson resurslarini boshqarish departamentining vazifalari

— Professor-o‘qituvchi xodimlarni ishga qabul qilish, ishdan bo‘shatish, lavozimini o‘zgartirish, konkursdan va attestatsiyadan o‘tish muddatlarini aniqlash hamda belgilashni nazorat etish;

— Professor-o‘qituvchi xodimlar va talabalar ish va o‘qish intizomini universitet ichki tartib-qoidalari hamda O‘zbekiston Respublikasi qonunlariga muvofiq nazorat qilish, shu jumladan ularni rag‘batlantirish, moddiy yordam ko‘rsatish va intizomiy jazo qo‘llash to‘g‘risida taklif kiritish;

— Universitet shtat jadvalini moliya-reja bo‘limi bilan birgalikda muvofiqlashtirish;

— Kadrlar masalasi bo‘yicha boshqa yuqori tashkilotlar bilan aloqa qilish;

— Bakalavriatura, magistratura va doktorantura bitiruvchilarini universitetda ishlashga jalb etish maqsadida ular bilan muloqotda bo‘lish;

— Professor-o‘qituvchi, ishchi-xodimlar va talabalar shaxsiy ish jildlarini, T-2 kartochkalarini belgilangan tartibda yuritilishini nazorat etish;

— Professor-o‘qituvchi va ishchi-xodimlarga shaxsiy guvohnomalar hamda ma’lumotnomalar berish, guvohnomalar muddatining o‘z vaqtida uzaytirilishini nazoratga olish;

— Bitiruvchi talabalarga diplom blankalari va ilovalari o‘z vaqtida hamda to‘g‘ri to‘ldirilishini nazorat etish;

— Mehnat daftarchalarini yuritish va ularning hisobini to‘g‘ri olib borish;

— Harbiy xizmatga majbur bo‘lganlar hamda chaqiruv yoshidagi o‘smirlarning hisobini olib borish;

— Nafaqa yoshiga yetgan professor-o‘qituvchi va xodimlarning taqdimnoma hamda hujjatlarini to‘g‘ri tayyorlash, ularning turar joylari bo‘yicha pensiya tayinlash uchun ijtimoiy ta’minot bo‘limlariga topshirilishini nazorat qilish;

— Universitetdagi barcha toifali o‘qituvchi va xodimlarning belgilangan shaklda statistik hisobini olib borish;

— Har oyda tuman aholini ish bilan ta’minlash va ijtimoiy himoyalash bo‘limiga kvotali ish o‘rinlari hamda ishchilar tarkibi haqida ma’lumot berish;

— Mehnat shartnomasini yozma ravishda ikki nusxada tuzishni nazorat qilish;

— Xorijga safarbarlik va mehnat ta’tili berish bo‘yicha buyruqlarning o‘z vaqtida bajarilishini nazorat qilish.

Bo‘lim manzili

Buxoro shahar, M. Iqbol ko‘chasi, 11-uy, 2-qavat, Inson resurslarini boshqarish departamenti.