09.09.2026

Bugungi kunda kiberfiribgarlar foydalanuvchilarni aldash va qurilmalarga zarar yetkazish maqsadida GIF ko‘rinishidagi shubhali fayl va havolalardan ham foydalanishi mumkin. Bunday fayllar messenjerlar, ijtimoiy tarmoqlar yoki elektron pochta orqali yuborilib, oddiy rasm yoki animatsiya sifatida ko‘rinishi ehtimol. Ayrim zararli fayllar foydalanuvchini boshqa havolaga yo‘naltirishi, zararli dasturlarni yuklab olishga undashi yoki maxfiy ma’lumotlarni qo‘lga kiritishga qaratilgan bo‘lishi mumkin.

Shu sababli noma’lum shaxslardan kelgan GIF, rasm, fayl va havolalarni ehtiyotkorlik bilan oching. Shubhali xabarlarni ochmang, noma’lum havolalarga kirmang va qurilmangizga begona dasturlarni o‘rnatmang. Messenjerlarda avtomatik fayl yuklab olish funksiyasini cheklash hamda qurilmaning xavfsizlik vositalarini muntazam yangilab borish tavsiya etiladi. Kiberfiribgarlardan ogoh bo‘ling — birgina shubhali fayl katta xavf tug‘dirishi mumkin!

VIDEONI KO'RISH