08.09.2026

Yig‘ilishni Buxoro davlat universiteti Aniq fanlar va intellektual muhandislik texnologiyalari ilmiy-tadqiqot instituti direktori H.O.Jo‘rayev kirish so‘zi bilan ochib, professor-o‘qituvchilar orasida kibermadaniyatni shakllantirish, axborot xavfsizligi talablariga qat’iy rioya etish, kibertahdidlardan ogohlikni oshirish va raqamli texnologiyalardan xavfsiz foydalanish bugungi kunning dolzarb masalalaridan biri ekanligini alohida qayd etdi. Shundan so‘ng, Raqamli ta’lim texnologiyalari departamenti boshlig‘i M.Z.Xusenov so‘zga chiqib, professor-o‘qituvchilar orasida kibermadaniyatni shakllantirish hamda axborot xavfsizligini ta’minlashning dolzarb masalalari yuzasidan ma’ruza qildi. Ma’ruzada raqamli texnologiyalar vositasida sodir etilayotgan huquqbuzarliklarning keng tarqalgan turlari, kibermakonda uchrayotgan tahdidlarning asosiy omillari va ularning salbiy oqibatlari haqida batafsil ma’lumot berildi. Shuningdek, internet va axborot-kommunikatsiya texnologiyalaridan xavfsiz foydalanish, shaxsiy ma’lumotlarni himoya qilish, fishing, ijtimoiy muhandislik va boshqa kiberxavflarning oldini olish bo‘yicha zarur tavsiyalar hamda professor-o‘qituvchilar o‘rtasida kibermadaniyatni yuksaltirishga qaratilgan chora-tadbirlar yuzasidan tushuntirishlar berildi. Kun tartibidagi maslalar yuzasida Buxoro davlat universiteti rektorining Axborot texnologiyalari bo‘yicha maslahatchisi H.I.Eshankulov so‘zga chiqib Buxoro davlat universitetida mavjud axborot tizimlari hamda veb-sayt to‘g‘risida batafsil ma’lumotlar berib o‘tdi. Tadbir davomida Raqamli ta’lim texnologiyalari departamenti muhandis dasturchisi R.N.Salimov tomonidan ijtimoiy tarmoqlardagi foydalanuvchilarning hisoblarini ikki bosqichi autentifikatsiya parollari hamda Buxoro davlat universitetida mavjud axborot tizimlarida kirish hisoblarining parollariga qo‘yilgan talablar o‘zgarganligi hamda dropperlik hujumlarida ehtiyot bo‘lish maqsadida barcha qurilmalarda ikki bosqichli himoya choralaridan foydalanish zarur ekanligini ta’kidlab barcha professor-o‘ituvchilarning qurilmalarida himoya parollarini o‘rtanishda amaliy yordam ko‘rsatildi.