18.04.2026

“Talabalar ligasi – 2026” doirasida shaxmat musobaqasining viloyat bosqichi o‘tkazildi

 Buxoro davlat pedagogika institutida “Talabalar ligasi – 2026” sport musobaqalari doirasida shaxmat sport turi bo‘yicha viloyat bosqichi yuqori saviyada tashkil etildi. Mazkur musobaqada Buxoro viloyatidagi oliy ta’lim muassasalarida tahsil olayotgan iqtidorli talabalar ishtirok etib, o‘zlarining mantiqiy fikrlash qobiliyati, strategik yondashuvi va intellektual salohiyatini namoyon etdilar.

 Musobaqa davomida ishtirokchilar o‘rtasida keskin va murosasiz bahslar kechdi. Har bir partiya yuqori darajadagi e’tibor, sabr-toqat va puxta o‘ylangan yurishlar bilan ajralib turdi. Natijada eng kuchli va mahoratli shaxmatchilar aniqlab olindi.

 Yigitlar o‘rtasida:
1 -o‘rin — Merajov Nurmuhammad (BuxDU)
2 -o‘rin — Naimov Bekzod (BuxDTI)
3 -o‘rin — Akiyev Jo‘rabek (BuxDTU)

 Qizlar o‘rtasida:
1 -o‘rin — Oblayeva Barchinoy (BuxDTI)
2 -o‘rin — To‘xtayeva Madina (BuxDU)
3 -o‘rin — Xalimova Kumush (BuxDPI)

 Ushbu musobaqa talabalar o‘rtasida intellektual sport turlariga bo‘lgan qiziqishni oshirish, yoshlarning fikrlash doirasini kengaytirish hamda ular o‘rtasida sog‘lom raqobat muhitini shakllantirishda muhim ahamiyat kasb etdi.