12.05.2026

She'riyat olamiga sayr etib...

Yomgʻirga

Fasllarni barin sevaman,

Har faslda ming bitta jilo.

Bahorida gullar teraman,

Yozlarida quvnayman illo.

Qoʻrqar edim rosti kuzidan,

Ayriliqlar fasli edi kuz.

Mana bugun qishning koʻzidan,

Tomchilaydi yomgʻirlar hanuz.

Bu kuzi ham oʻzgacha keldi,

Yoʻqotmadim hech kimimni men.

Teskarisi bir ne'mat topdim,

Bahosimi ming tilloga teng.

Asli baho berilmas “unga”,

Ayriliqlar oʻrni toʻlandi.

Endi kuzga ixlosim baland,

Shoir qalbim baxtga oʻrandi.

“U” bezovta qildimi bilmam,

Tong saharda uyqumdan kechdim.

Shitirlagan yomgʻir ovozin

Eshitiboq, oynani ochdim.

Yogʻgin yomgʻir, toʻxmama mayli,

Quvontirgin tanti xalqimni.

Bilsang ayni saraton vaqti,

Hidlarkanman shirin bolamni!

Hamroqulova Rushana,

BuxDU Filologiya fakulteti 4-bosqich talabasi

Maxsus imkoniyatlar