12.09.2026

BuxDUda yoshlar masalalariga bag‘ishlangan navbatdagi yig‘ilish o‘tkazildi

Bugun Buxoro davlat universitetida Yoshlar masalalari va ma’naviy-ma’rifiy ishlar bo‘yicha birinchi prorektor A.M. Nazarov boshchiligida yoshlar masalalari hamda ma’naviy-ma’rifiy ishlar yo‘nalishida faoliyat yuritayotgan mas’ullar ishtirokida navbatdagi yig‘ilish bo‘lib o‘tdi.

Yig‘ilishda yoshlarni ma’naviy yuksalishga ko‘maklashish departamenti xodimlari, Xotin-qizlar bilan ishlash bo‘limi vakillari, fakultet dekan o‘rinbosarlari, tyutorlar, TTJ mas’ullari hamda Yoshlar ittifoqi yetakchilari ishtirok etdi.

Yig‘ilish davomida:
 talabalarni Talabalar turar joylari (TTJ) hamda ijara xonadonlariga joylashtirish jarayonini samarali tashkil etish;
 talabalar uchun munosib yashash sharoitlarini yaratish;
 ma’naviy-ma’rifiy ishlar yo‘nalishida amalga oshirilayotgan ishlar samaradorligini oshirish;
 soha vakillarining mas’uliyati va faoliyatini yanada takomillashtirish kabi muhim masalalar atroflicha muhokama qilindi.