28.04.2026

BuxDU vakillari 55-maktabda uchrashuv o‘tkazdi

Qoraqalpog‘iston Respublikasiga amalga oshirilgan tashrif davomida Buxoro davlat universiteti talaba-yoshlari hamda professor-o‘qituvchilari BuxDU Kasaba uyushmasi qoʻmitasi hamkorligida 55-maktabda bo‘lib, ta’lim muassasasi jamoasi bilan uchrashuv o‘tkazdilar.

Tashrif davomida maktab faoliyati, ta’lim jarayonlari, o‘quvchilar uchun yaratilgan shart-sharoitlar hamda ma’naviy-ma’rifiy muhit bilan yaqindan tanishildi.

Shuningdek, BuxDU vakillari tomonidan uchrashuv davomida Buxoro davlat universitetida yaratilgan imkoniyatlar, ta’lim yo‘nalishlari, talabalik hayoti va yoshlar uchun mavjud shart-sharoitlar haqida targ‘ibot-tashviqot ishlari olib borildi.

Tadbir yakunida maktab mas’ullariga kitoblar sovg‘a qilindi. Ushbu tashabbus ta’lim muassasalari o‘rtasidagi hamkorlikni mustahkamlash, ma’naviy-ma’rifiy aloqalarni kengaytirish va kitobxonlik madaniyatini targ‘ib etishda muhim ahamiyat kasb etdi.

Buxoro davlat universiteti
Axborot xizmati