28.04.2026

BuxDU yoshlari Qoraqalpog‘istondagi xalqaro tadbirlarda faol ishtirok etdi

Qoraqalpog‘iston Respublikasiga uyushtirilgan tashrif doirasida Buxoro davlat universiteti talaba-yoshlari BuxDU Kasaba uyushmasi qoʻmitasi hamkorligida “Orolbo‘yi ezgu niyat elchilari” xalqaro konferensiyasi hamda “Orol tubiga eko-ta’lim sayohatlari” xalqaro haftaligi doirasidagi tadbirlarda faol ishtirok etdilar.

Mazkur tadbirlar yoshlar o‘rtasida ekologik madaniyatni yuksaltirish, Orolbo‘yi hududidagi dolzarb ekologik muammolarga e’tiborni kuchaytirish, shuningdek, hududlararo do‘stlik va hamkorlikni mustahkamlashga xizmat qildi.

Tashrif davomida BuxDU vakillari Qoraqalpoq davlat yosh tomoshabinlar teatrida ham bo‘lib, u yerda tashkil etilgan madaniy-ma’rifiy tadbirlarda ishtirok etdilar. Bu esa talaba-yoshlarning nafaqat ekologik, balki ma’naviy-ma’rifiy dunyoqarashini boyitishda muhim ahamiyat kasb etdi.

Mazkur ishtirok BuxDU yoshlari orasida ekologik tafakkur, ijtimoiy faollik va millatlararo do‘stlik g‘oyalarini yanada mustahkamlashga xizmat qilmoqda.

Buxoro davlat universiteti
Axborot xizmati