O’zbekiston Respublikasi Prezidentining 2018 yil 4 iyunda “2018/2019 o’quv yilida O’zbekston Respublikasining oliy ta’lim muassasalariga o’qishga qabul qilish to’g’risida”gi qaroriga asosan, Buxoro davlat universitetida ham qabul jarayoniga puxta tayyorgarlik ko’rilgan bulib, Universitetga 2018/2019 o’quv yilida kunduzgi ta’limning 37ta bakalavriat yo’nalishilariga 2520 (o’tgan yilda 1818 yoki 38 %ga ko’p) nafar talabani qabul qilish ko’zda tutilgan. Shundan davlat grantlari 595 nafar va to’lov-kontrakt asosida 1925 tani tashkil etadi. Bu ko’rsatkichni 2017/2018 o’quv yili qabuli bilan qiyoslaganda quyidagi o’zgarishlar kuzatiladi: Yana shuni ta’kidlash kerakki, Prezidentimiz Sh. Mirziyoyev joriy yilning 16 fevral kuni Buxoroga tashrif buyurdi. Davlatimiz rahbari ushbu tashrif davomida Buxoro shahrining eski shahar qismida bo’lib, shaharning turistik salohiyatini oshirish bo’yicha bir qator takliflarni o’rtaga tashladi. Shu takliflar jiddiy o’rganib chiqildi va BuxDUda Tarix va madaniy meros fakulteti tashkil etilib, Buxoro tarixini o’rganuvchi ta’lim yo’nalishi tashkil etish bilan bog’liq amaliy faoliyat boshlandi. Shuningdek, universitetda Pedagogika fakulteti negizida “Maktabgacha va boshlang’ich ta’lim” fakulteti va “Maktabgacha ta’lim” kafedrasi shakllantirildi.Qarorda 2018/2019 o’quv yilidan boshlab oliy ta’lim muassasalarida faqat “Maktabgacha ta’lim” bakalavriat ta’lim yo’nalishi bo’yicha kadrlar tayyorlash muddati 3 yil, magistratura ta’limi esa bir yil deb belgilandi. Shu asosda mazkur yo’nalish bo’yicha bakalavriat va magistratura ta’lim dasturlari ishlab chiqilmoqda.Shu bilan birga qatorda sirtqi va kechki bo’limlariga qabul kvotalari shakllantirish uchun Davlat komissiyasiga ehtiyoj yuqori bo’lgan bakalavriat ta’lim yo’nalishlari kesimida takliflar kiritildiShu qaror mazmunidan kelib chiqib, yana bir qator hujjatlar ishlab chiqildi. Jumladan, 2018 yil 2 iyunda O’zbekiston Respublikasi Vazirlar Mahkamasining “Oliy ta’lim muassasalariga nogironligi bo’lgan shaxslarni qo’shimcha davlat granti kvotalari asosida o’qishga qabul qilish tartibi to’g’risida”gi 417-son qarori qabul qilindi. Unga asosan nogironligi bo’lgan shaxslarni qo’shimcha davlat granti asosida o’qishga qabul qilish tartibi belgilab berilgan.2018 yil 14 mayda Prezidentimizning “O’zbekiston Respublikasi Qurolli Kuchlari va ularning oila a’zolarini ijtimoiy qo’llab-quvvatlashga oid qo’shimcha chora-tadbirlar to’g’risida”gi PQ-3726-son qarori qabul qilindi. Unga ko’ra OTMlarga umumiy belgilangan qabul ko’rsatkichlari kvotasidan tashqari (5 foizli) qabul kvotasi ajratiladi. Ma’lumki, O’zbekiston Respublikasi Vazirlar Mahkamasining 2017 yil 14 noyabrdagi “O’zbekiston Yoshlar ittifoqining faol a’zolariga oliy ta’lim muassasalariga kirishda imtiyozlar berish to’g’risida”gi 914-son qarori asosida “O’zbekiston yoshlar ittifoqining faol a’zolariga oliy ta’lim muassasalariga imtiyozli qabul qilish bo’yicha tavsiyanomalar berish tartibi to’g’risida”gi Nizom qabul qilindi. Unda belgilanishicha, tavsiyanomalarga ega bo’lgan yoshlar O’zbekiston Respublikasi ta’lim muassasalariga o’qishga qabul qilish bo’yicha Davlat komissiyasi qaroriga asosan doimiy yashash joyidagi oliy ta’lim muassasalarining pedagogika ta’lim yo’nalishlariga tanlovdan tashqari test sinovlarisiz va kasbiy (ijodiy) imtihonlarsiz davlat grantlari asosida qabul qilinadi.Shuni ta’kidlash kerakki, joriy yilda imtihon topshirish tartiblari ham butunlay o’zgardi. Bu jihatdan O’zbekiston Respublikasi Vazirlar Mahkamasining “Oliy ta’lim muassasalariga o’qishga qabul qilish tartibini yanada takomillashtirish to’g’risida”gi qarori qabul qilindi. Shunga muvofiq O’zbekiston Respublikasi oliy ta’lim muassasalarining bakalavriatiga o’qishga qabul qilish uchun kirish test sinovlarini o’tkazish tartibi to’g’risidagi to’rt bobdan iborat Nizom qabul qilindi.Ushbu nizomga ko’ra test sinovlari kunduzgi, maxsus sirtqi va kechki (smenali) ta’lim shakli uchun har yili 1 avgustdan 15 avgustgacha bo’lgan muddatda kuniga ikki smenada o’tkaziladi. Birinchi smena soat 08:00 da, ikkinchi smena soat 15:00 da boshlanadi. Abiturient test sinovlari boshlanganidan so’ng binoga tegishli hududga kiritilmaydi. Buxoroda “Semurg’”, “Yoshlik” sport majmualarida test sinovlari tashkil etiladi.Yuqorida tahlil etganimiz Prezidentimizning qarorlari mazmun va mohiyati shuni ko’rsatadiki, avvalo, OTMlarga qabulni namunali tashkil etish, test sinovlari va ijodiy imtihonlarni xolislik bilan o’tkazishga qaratilgan. Qolaversa, respublikamizda olib borilayotgan insonparvarlik siyosati tamoyillaridan kelib chiqib, bir qator imtiyozlar yaratilganligi yoshlarimizning kelajagiga katta e’tibor berilganligini amalda isbotlab turadi.
