Buxoro davlat universitetida 8-mart — Xalqaro xotin-qizlar kuni munosabati bilan “Ayolga ehtirom — millatga ehtirom” nomli tantanali bayram tadbiri yuqori saviyada bo‘lib o‘tdi.
Tadbirni universitet rektori, professor Obidjon Xamidov ochib berib, Buxoro davlat universitetining ilmiy, ma’naviy hamda ijtimoiy hayotida faol ishtirok etib kelayotgan olima ayollar, xodimlar va talaba-qizlarni nafosat va go‘zallik ayyomi bilan samimiy muborakbod etdi.
Rektor o‘z nutqida O‘zbekiston Respublikasi Prezidenti Shavkat Mirziyoyev tomonidan mamlakatimiz xotin-qizlariga yo‘llangan bayram tabrigini tantanali ravishda o‘qib eshittirdi. Davlatimiz rahbarining ayollarga ko‘rsatayotgan yuksak e’tibori, ularning jamiyatdagi o‘rni va nufuzini yuksaltirish borasida amalga oshirilayotgan keng ko‘lamli islohotlar tadbir ishtirokchilarida alohida faxr va ko‘tarinki kayfiyat uyg‘otdi.
Tadbir davomida ayollarni ulug‘lovchi kuy-qo‘shiqlar, badiiy chiqishlar hamda bayramona sahna ko‘rinishlari namoyish etilib, yig‘ilganlarga unutilmas bayram kayfiyati ulashildi.
BARCHA FOTOSURATLAR BU YERDA
BuxDU Axborot xizmati
