Ijtimoiy tarmoqlarda Buxoro davlat universiteti talabasining o'limi haqida tarqalgan xabarlar yuzasidan quyidagilarni ma’lum qilamiz.
Hozirda mazkur holat bo‘yicha tegishli huquqni muhofaza qiluvchi organlar tomonidan surishtiruv ishlari olib borilmoqda. Hodisa sabablari va tafsilotlari to‘liq o‘rganilmoqda.
Buxoro davlat universiteti talabalarning hayoti, salomatligi va psixologik holati masalalarini doimo ustuvor deb biladi. Universitetda talabalar bilan ishlash, ularning psixologik holatini qo‘llab-quvvatlash, murabbiylik va maslahat xizmatlarini kuchaytirish bo‘yicha tizimli ishlar amalga oshirilmoqda.
Shuningdek, har qanday favqulodda holat, jumladan, talabalarning xavfsizligi va ruhiy holatiga oid muammolarni bartaraf etish maqsadida universitet psixologik xizmatlari, ishonch telefonlari va muntazam murojaat kanallari faoliyat yuritadi.
Jamoatchilikdan tasdiqlanmagan ma’lumotlarni tarqatmaslik, rasmiy manbalarga tayanishlarini so‘raymiz.
Buxoro davlat universiteti Axborot xizmati
