"Yangi O’zbekiston Olimpiya Cho’qqilari" nomli nufuzli Prezident Olimpiadasining Respublika bosqichida Buxoro davlat universiteti sharafini himoya qilgan talabamiz eng yuqori natijani qayd etdi!
Jismoniy tarbiya va sport fakulteti 1-bosqich talabasi Ravshanov Zayniddin yengil atletika sport turining 110 metrga g'ov osha yugurish bahslarida 14.07 soniya natija bilan marra chizig‘ini birinchi bo‘lib kesib o‘tdi va oltin medalga sazovor bo‘ldi! Shuningdek, 1-o'rinni egallagani uchun 10 000 000 so'm pul mukofoti bilan taqdirlandi.
Bu g‘alaba universitetimizning yuksak salohiyati va talabalarimizning qat'iyatini yana bir bor isbotladi.
Universitet jamoasi nomidan Zayniddin Ravshanovni, uning ustozlari va oila a'zolarini ushbu yorqin g‘alaba bilan samimiy muborakbod etamiz! Kelgusi musobaqalarda ham omad va yangi zafarlar tilaymiz!
BuxDU o'z talabalari bilan faxrlanadi!
