Luvr Abu-Dabi muzeyida “UNITY” (Birdamlik) mavzusidagi nufuzli “Al Burda Award” marosimi bo‘lib o‘tdi. Ushbu yirik xalqaro tadbirda O‘zbekiston “Faxriy mehmon” sifatida ishtirok etib, milliy san’at va hunarmandchilik merosini keng jamoatchilikka namoyish etdi.
Marosim doirasida Buxoro davlat universiteti Musiqa ijrochiligi va madaniyat kafedrasi 1-bosqich magistranti Baxshullayeva Gulchiroy milliy madaniyatni munosib targ‘ib etgani uchun mukofot bilan taqdirlandi.
Bu yutuq nafaqat Gulchiroy Baxshullayeva uchun, balki Buxoro davlat universiteti hamda O‘zbekiston madaniy merosi uchun ham muhim xalqaro e’tirof bo‘ldi.
