Sirdaryo viloyatida tashkil etilgan “Besh tashabbus olimpiadasi” sport musobaqalarining Respublika final bosqichi o‘z yakuniga yetdi. Unda Buxoro davlat universiteti jamoasi faol va samarali ishtirok etib, bir qator yo‘nalishlarda yuqori natijalarga erishdi.
Musobaqa yakunlariga ko‘ra, BuxDU sportchilari quyidagi natijalarni qayd etdi:
Voleybol (qizlar) — 1-o‘rin
Voleybol (o‘g‘il bolalar) — 2-o‘rin
Stritbol (o‘g‘il bolalar) — 3-o‘rin
Yengil atletika — 4-o‘rin
Taqdirlash marosimida Oliy ta'lim muassasalari talabalar o'rtasida “Besh tashabbus olimpiadasi”ni yuqori saviyada tashkil etishda qo'shgan ulkan hissasi uchun Buxoro viloyati jamoasi nomidan Buxoro davlat universitetining Yoshlar masalalari va ma’naviy-ma’rifiy ishlar bo‘yicha birinchi prorektori Dilshod Yavmutov Oliy ta’lim, fan va innovatsiyalar vaziri Qo‘ng‘irotboy Sharipov tomonidan tashakkurnoma qabul qilib oldi.
Buxoro davlat universiteti sportchi talaba-yoshlarni, ularning ota-onalarini, murabbiylarini erishilgan yutuqlar bilan tabriklaymiz va kelgusidagi musobaqalarda ham ularga yangi muvaffaqiyatlar tilaymiz.
