Buxoro davlat universiteti Tabiiy fanlar va agrobiotexnologiya fakulteti dekani Aziz Qodirov hamda binolarni saqlash va obodonlashtirish departamenti boshlig'i Tursunov Sheroz xizmat safari doirasida Ozarbayjonning yetakchi oliy ta’lim muassasalari — Baku Davlat Universiteti va Baku muhandislik Maktabida bir qator muzokaralar olib bordilar.
Baku Davlat Universitetidagi uchrashuvda Baku Davlat Universitetining xalqaro va o‘quv ishlari bo‘yicha prorektorlari bilan samarali muzokaralar o‘tkazildi. Tomonlar bir qator masalalar bo‘yicha kelishuvga erishdilar. Jumladan, akademik almashinuv dasturlarini yo‘lga qo‘yish, 2+2 bakalavriat dasturi, 3+1 bakalavriat dasturi, 1+1 magistratura dasturi, menejment, data analysis, kompyuter ilmlari, kimyo va biotexnologiya yo‘nalishlari bo‘yicha talabalar almashinuvini kengaytirish, kimyo va iqtisodiyot sohalaridagi zamonaviy laboratoriyalar faoliyati bilan tanishish, BuxDU va Boku Davlat Universiteti o‘rtasida hamkorlik memorandumini imzolash bo‘yicha kelishuv, universitetning talabalar turar joyi infratuzilmasi o‘rganildi. hamda Xalqaro ilmiy konferensiyalarni birgalikda tashkil etish hamda QS reytingi bo‘yicha o‘zaro hamkorlikni kuchaytirish masalalari muhokama qilindi.
Baku muhandislik Maktabiga tashrif davomida BuxDU vakillari tomonidan Baku muhandislik Maktabida tahsil olayotgan BuxDU talabalari uchun yaratilgan o‘quv va yashash sharoitlarini ko‘zdan kechirdi. Uchrashuv davomida quyidagi hamkorlik yo‘nalishlari belgilab olindi, talabalar almashinuvini yanada kengaytirish, qo‘shma xalqaro konferensiyalar tashkil etish, QS reytingiga kirish jarayonida o‘zaro tajriba almashish, BuxDU talabalari uchun stipendiyali grant dasturlariga hujjat topshirishni qo‘llab-quvvatlash, magistratura va doktorantura bo‘yicha qo‘shma dasturlarni rivojlantirish, neft-gaz kimyosi, axborot xavfsizligi, kompyuter ilmlari, iqtisodiyot va moliya yo‘nalishlarida hamkorlikni kengaytirish masalalari ko'rib chiqildi.
Mazkur tashrif BuxDU va Baku oliy ta’lim muassasalari o‘rtasidagi hamkorlikni yanada mustahkamlash, talabalar va professor-o‘qituvchilar almashinuvini rivojlantirish hamda qo‘shma ilmiy va ta’lim loyihalarini amalga oshirishga xizmat qiladi.
