Buxoro davlat universiteti rektori Obidjon Xamidovning AQSHga xizmat safari davomida Stanford universiteti Graduate School of Businessga tashrifi amalga oshirildi. Rektor mazkur maktab faoliyati, o‘quv jarayoni, innovatsion yondashuvlar va ilmiy muhit bilan yaqindan tanishdi, shuningdek binolar, laboratoriyalar va ilmiy markazlarni ham ko‘zdan kechirdi.
Tashrif davomida Graduate School of Business’da tahsil olayotgan, BuxDU huzuridagi Qorako‘l akademik litseyi hamda Toshkent iqtisodiyot universiteti sobiq bitiruvchisi Abduqayumov Abdumalik bilan uchrashuv ham bo‘lib o‘tdi. Suhbat chog‘ida uning ilmiy izlanishlari, PhD bosqichidagi tadqiqot yo‘nalishlari va xalqaro tajribasi haqida fikr almashildi.
Shuningdek, Stanford universiteti bilan Buxoro davlat universiteti o‘rtasida ilmiy hamkorlikni kengaytirish, qo‘shma tadqiqotlar, professor-o‘qituvchilar va talabalar almashinuvini yo‘lga qo‘yish bo‘yicha istiqbolli rejalar muhokama qilindi.
Tashrif samimiy va mazmunli ruhda o‘tib, BuxDUning xalqaro aloqalarini yanada mustahkamlashga xizmat qildi.
