11-noyabr – O‘zbekiston Kasaba uyushmalari kuni hamda Kasaba uyushmalarining 120 yillik yubileyi munosabati bilan Buxoro davlat universitetida tantanali bayram tadbiri tashkil etildi.
Tadbir universitet bosh foyesida milliy kuy va qo‘shiqlar sadolari ostida boshlandi hamda davlat madhiyasi ijrosi bilan ochildi. Tadbirni Buxoro davlat universiteti Yoshlar masalalari va ma’naviy-ma’rifiy ishlar bo‘yicha birinchi prorektori Dilshod Yavmutov ochib berdi. U o‘z so‘zida Kasaba uyushmalari tizimining mehnatkashlar manfaatlarini himoya qilishdagi o‘rni, xodimlar uchun yaratilayotgan imkoniyatlar haqida to‘xtalib o‘tdi.
So‘ngra O‘zbekiston Ta’lim va fan xodimlari kasaba uyushmasi Respublika kengashining Buxoro viloyati bo‘yicha mas’ul tashkilotchisi R.Nosirova so‘zga chiqib, BuxDU jamoasini bayram bilan tabrikladi hamda viloyatda amalga oshirilayotgan faol tashabbuslar haqida ma’lumot berdi.
Tadbir davomida BuxDU rahbariyati tomonidan R.Nosirovaga “BuxDU 95 yilligi” medalioni topshirildi. Shuningdek, universitet Kasaba uyushmasi qo‘mitasi raisi Baxtiyor Qobilov “Oliy ta’lim a’lochisi” hamda “O‘zbekiston Kasaba uyushmalarining 120 yilligi” esdalik ko‘krak nishonlari bilan taqdirlandi.
Mazkur esdalik ko‘krak nishoni, shuningdek, Kasaba uyushmalarining IX qurultoyi delegati, universitet elektromontyori Raximov Nodir Narzulloyevichga ham topshirildi. Bundan tashqari, bir guruh professor-o‘qituvchilar va xodimlar Kasaba uyushmasining Tashakkurnomasi hamda esdalik sovg‘alari bilan taqdirlandilar.
Kasaba uyushmalari 120 yilligi doirasida o‘tkazilgan musobaqalar g‘oliblari ham e’tirof etildi:
“Zakovat” intellektual o‘yini:
Universitet terma jamoasi
Filologiya fakultetining “Irfon” jamoasi
Fizika-matematika va Axborot texnologiyalari fakultetining “Ilm elchilari” jamoasi
“Kasaba uyushmasi kubogi” mini-futbol musobaqasi:
Jismoniy tarbiya va sport fakulteti
Ma’muriy boshqaruv bo‘limi
Tarix va yuridik fakulteti
Tadbir davomida ijro etilgan kuy va qo‘shiqlar, raqslar hamda ishtirokchilarning samimiy tabriklari bayramga yanada tantanavor ruh bag‘ishladi.
