So‘nggi kunlarda ijtimoiy tarmoqlarda Buxoro davlat universitetida diniy kiyimdagi talabalar darslarga kiritilmayotgani haqida tarqalgan xabarlar asossiz ekanini ma’lum qilamiz.
Universitetda barcha talabalarning ta’lim olish va e’tiqod erkinligi qonun bilan kafolatlangan. Hech bir talaba diniy qarashlari yoki kiyinish uslubi sababli o‘qish jarayonidan chetlashtirilmagan.
Amaliyot o‘tayotgan ta’lim muassasalarida esa xalq ta’limi tizimida belgilangan ichki kiyinish qoidalari amal qiladi. Ushbu talablar barcha o‘qituvchilar va amaliyotchilarga teng tatbiq etiladi.
Ijtimoiy tarmoqlarda tarqalayotgan tekshirilmagan ma’lumotlarga ishonmaslikni, faqat rasmiy manbalarga tayanishni so‘raymiz.
Buxoro davlat universiteti Axborot xizmati
