Xalqning Vatani, davlati kabi yana bir buyuk, ehtimolki, birlamchi boyligi bor. Bu – uning tili. Aynan til odamlar guruhini bir millat sifatida biriktiradi, ya’ni xalqni – xalq, millatni – millat qiladi.
Bugun erta tongdan Buxoro davlat universitetida O‘zbek tiliga davlat tili maqomi berilganligining 36 yilligi hamda 21-oktabr - O‘zbek tili bayrami kuni munosabati bilan bayram tantanalari erta tongdan buyuk shoir, so‘z mulkining sultoni Alisher Navoiy byusti poyiga gul qo‘yish marosimidan boshlandi.
Marosimda so‘zga chiqqan viloyat hokimining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi Akbar Rustamov, BuxDU rektori Obidjon Xamidov O‘zbekiston Respublikasi Prezidentining “Davlat tilini yanada rivojlantirishga oid qo‘shimcha chora-tadbirlar to‘g‘risida”gi qarorida belgilangan vazifalarning ahamiyatiga alohida to‘xtalib o‘tishdi.
Ushbu qaror mamlakatimizda davlat tilining nufuzi va mavqeini mustahkamlash, uni hayotning barcha jabhalarida to‘liq joriy etish, shuningdek, yosh avlodda ona tiliga hurmat va sadoqat tuyg‘usini kuchaytirishga qaratilganini ta’kidladi.
Marosimda yoshlar tomonidan ona tilimiz madhiga oid she’rlar o‘qib eshittirildi.
