Belarus Respublikasi Belarus davlat universitetidan tashrif buyurgan olimlar — professor P. M. Bichkovskiy va professor V. E. Ogorodnikov Buxoro davlat universitetida ma’ruzalar bilan ishtirok etdilar. Professor P. M. Bichkovskiy “Modifikatsiya qilingan polisaxaridlar asosida original dori vositalarini yaratish va ishlab chiqarishni tashkil etishgacha bo‘lgan ilmiy g‘oyalar yo‘li” mavzusida ma’ruza o‘qidi. Professor V. E. Ogorodnikov esa “Polisaxaridlarning kimyoviy modifikatsiyasi, dori vositalari tizimlari va tibbiy maqsadlarda qo‘llaniladigan materiallarni yaratish” mavzusida o‘z ilmiy ishlanmalari bilan o‘rtoqlashdi.
Tadbir Kimyo va neft-gaz texnologiyalari kafedrasi ilmiy jamoasi va yosh tadqiqotchilar uchun juda foydali bo‘lib, o‘zaro ilmiy tajriba almashish imkonini yaratdi. Uchrashuv yakunida O‘zbekiston va Belarus olimlari o‘rtasida ilmiy-texnik hamkorlikni kengaytirish, tibbiyot sohasida ekologik toza, xavfsiz va innovatsion materiallar yaratish borasida qo‘shma loyihalarni amalga oshirishga kelishib olindi.
Ma’lumot uchun, Belarus davlat universiteti (Belarusian State University) hozirda QS xalqaro reytingida 447-o‘rinni, “Subject Ranking”da esa kimyo sohasi bo‘yicha 601–700-o‘rinni egallagan.
