O‘zbekiston Respublikasi Prezidentining 2016-yil 28-dekabrdagi “O‘zbekiston faxriylarini ijtimoiy qo‘llab-quvvatlash “Nuroniy” jamg‘armasi faoliyatini yanada takomillashtirish chora-tadbirlari to‘g‘risida”gi PQ–4906-son Farmoni hamda “Nuroniy” jamg‘armasi Vasiylik kengashining 2025-yil 28-iyuldagi qarori ijrosini ta’minlash maqsadida, Buxoro viloyati hokimligi, Buxoro viloyati “Nuroniy” jamg‘armasi va boshqa tashkilotlar hamkorligida bugun Buxoro shahridagi “Zarafshan Hall” tantanalar majmuasida “Uch avlod uchrashuvi” tadbiri bo‘lib o‘tdi.
Tadbirda Buxoro viloyati miqyosida iqtisodiyot, ishlab chiqarish hamda ilm-fan sohalariga uzoq yillik samarali faoliyati bilan salmoqli hissa qo‘shgan faxriylar I, II va III darajali “Mehnat faxriysi” ordenlari bilan taqdirlandilar. Ushbu tadbirda, shuningdek, Buxoro davlat universiteti yuriskonsulti, Kogon tumani “Veteran” jangchilar uyushmasi raisi Najmiddinov Gulmurod Sadriddinovich, hamda Tarix va yuridik fakulteti “Islom tarixi va manbashunosligi, falsafa” kafedrasi professori, falsafa fanlari doktori Salomova Xakima Yusupovna ham I darajali “Mehnat faxriysi” ordeni bilan mukofotlandilar. Bu kabi tadbirlar yurtimiz faxriylarining jamiyat hayotidagi o‘rni va ularga bo‘lgan ehtiromning yuksak namunasidir.
