Buxoro davlat universiteti rektori Obidjon Xamidov universitet huzuridagi 8 ta talabalar turar joyining 30 ga yaqin qavat sardorlari hamda mas’ullar bilan ochiq muloqot o‘tkazdi.
Uchrashuv davomida talabalar turar joylarida yaratilgan shart-sharoitlardan samarali foydalanish, mavjud imkoniyatlarni kengaytirish va talabalarning bo‘sh vaqtlarini mazmunli tashkil etish masalalari muhokama qilindi.
Qavat sardorlari o‘zlari yashab turgan qavatlarda uchraydigan muammolar, taklif va tashabbuslarini bevosita universitet rahbariyatiga yetkazdilar. Rektor yoshlarning fikr-mulohazalarini diqqat bilan tinglab, ularni hal qilish bo‘yicha mas’ullarga topshiriqlar berdi.
Muloqot yakunida universitetda talabalarning turar joylarini yanada samarali boshqarish, qulay va xavfsiz muhit yaratish hamda yoshlar tashabbuslarini qo‘llab-quvvatlash bo'yicha masullarga qo'shimcha topshiriqlar berildi.
