Buxoro davlat universiteti va Fransiyaning Vatel xalqaro mehmonxona va turizm biznesi oliy maktabi hamkorligida yo‘lga qo‘yilgan qo‘shma ta’lim dasturlari asosida 3- va 4-bosqichda tahsil olayotgan 11 nafar talabalar o‘qituvchi M.D. Atoyeva rahbarligida Birlashgan Arab Amirliklariga jo‘nab ketdi.
Dastlab ikki haftalik seminar-trening, so‘ngra esa talabalarga “Emirates Flight Catering” kompaniyasida 6 oylik amaliyot o‘tash imkoniyati yaratiladi. Amaliyotni yakunlaganlar xalqaro sertifikat bilan taqdirlanadi. Amaliyot davomida talabalar BAAning besh yulduzli mehmonxonalarida muhim tadbirlar, konferensiyalar va “coffee-break” xizmatlarini tashkil etishda ishtirok etib, tajriba orttiradilar.
Eng quvonarlisi, barcha xarajatlar hamkor tashkilot tomonidan qoplangan, talabalar esa maosh bilan ta’minlanadi. Shuningdek, ularga bepul yotoqxona, transport va dam olish uchun sharoitlar ham yaratilgan.
Bu amaliyot – talabalarning kelajak kasbiy yo‘li uchun muhim qadam bo‘lishi shubhasiz!
