Buxoro davlat universiteti bosh foyesida xalqaro ahamiyatga ega sana 27-sentabr — Xalqaro Turizm kuni munosabati bilan bayram tadbiri tashkil etildi.
Mazkur tadbir doirasida talabalar guruhlari tomonidan turli davlatlar hududlarini aks ettiruvchi rang-barang stendlar taqdimoti namoyish etildi. Har bir stendda milliy urf-odatlar, madaniyat, tarix va turizm salohiyatini ifodalovchi ko‘rgazmalar, ma’lumotlar hamda ijodiy ishlanmalar o‘rin olgan.
Bu kabi tadbirlar talabalarning ijodiy salohiyatini namoyon etish bilan birga, ularni xalqaro madaniyatlararo muloqot ruhida tarbiyalaydi, shuningdek, BuxDUning xalqaro turizm yo‘nalishidagi ilmiy-ta’limiy faoliyatiga hamohang tarzda tashkil etilayotgani bilan ham ahamiyatlidir.Tadbir doirasida Talabalar guruhlari tomonidan turli davlatlar hududlarini aks ettiruvchi stendlar taqdimoti tashkil etilgan.
Dastur doirasida “Mini EXPO – Turizm yarmarkasi” tashkil etildi. Unda talabalar guruhlari turli davlatlarning madaniyati, tarixi va turizm salohiyatini aks ettiruvchi stendlarni namoyish etdilar. Har bir guruh “mamlakat elchisi” sifatida 2–3 daqiqalik chiqish qilib, o‘zlari tanlagan davlat haqida qiziqarli ma’lumotlar taqdim etdi.
Shuningdek, talabalar xalqaro taomlar tayyorlab, ularni hakamlar e’tiboriga havola qildilar. Milliy taomlarning mazasi, tayyorlanish uslubi va ijodkorona yondashuv mezonlari bo‘yicha baholandi. Bayram tadbirida universitet rahbariyati, professor-o‘qituvchilar hamda xorijiy mehmonlar ishtirok etib, talabalar tomonidan yaratilgan ijodiy ishlanmalar bilan yaqindan tanishdilar. Shuningdek, mehmonlar va professorlar tomonidan tilaklar doskasiga samimiy fikrlar yozildi.
