Sankt-Peterburg shahrida uchrashuv bo‘lib o‘tdi. Unda Buxoro davlat universiteti rektori, i.f.d. Obidjon Xamidov hamda Sankt-Peterburg boshqaruv va iqtisodiyot texnologiyalari universiteti rektori Oleg Georgiyevich Smeshko turizm sohasida hamkorlikni ko‘zda tutuvchi memorandumni imzoladilar.
Memorandum quyidagilarni nazarda tutadi:
Xalqaro turizm oliygohlari assotsiatsiyasini tashkil etish va rivojlantirish;
akademik tajriba va ta’limiy resurslar almashinuvi;
qo‘shma ilmiy tadqiqotlar va konferensiyalarni amalga oshirish;
talaba va professor-o‘qituvchilarning akademik mobilligini qo‘llab-quvvatlash;
barqaror va mas’uliyatli turizm madaniyatini shakllantirish.
Uchrashuvda shuningdek, BuxDU iqtisodiyot va turizm fakulteti dekani, i.f.d. N.S. Ibragimov hamda BuxDU Buxgalteriya hisobi va statistika kafedrasi mudiri, dotsent Yu. Sunnatov ham ishtirok etdilar.
